Sie Pal in Akkalemye Sie Ma Lukma

Kom fwin tia akkalemye kutu ma lukma kom ku in akilen ma tia oanu sie inmaslon misla a amei. Tusruktu, ya oasr pal la kom enenu in akkalemye sie ma lukma? Loang akmwoye ke ma met palu Emos el fwak ke God: “Jehova fwa tia oru kutena ma, sayen el fwakak ma lukma lal nu sin met kulansap lal met palu.” (Emos 3:7) Ke kas inge, oasr ma kut ku in lotela ke ma lukma. Jeova el ku in oru kutu ma in tia kalem ke lusen sie pal a tok el akkalemye ma inge nu sin kutu met. Fuka kut ku in etawi Jeova ke oiye se inge?

Kutu pal, met sropu in congregation lun met Kristian elos koneak la arulanu yok sripe in srukye a tia akkalemye kutu ma nu sin kutu met. (Orekma 20:28) Ke sie me pupulyuk, ke sripen elos nunku ke insemwomwo lun congregation, saap elos sulela in tia akkalemye kutu akmwuk ku kutu ma ekla ke kunokon in congregation ke lusen sie pal.

Aok, ke kain in oiye se inge, arulanu yok sripe nu sin met nu kemwa su etu ma lukma inge in akilen nge a ke inkanek fuka ma lukma se inge e fwa akkalemyeyuk. Etauk lalos ke pal pakiyuki in akkalemye ma lukma inge ku in kasrelos in srukye a tia akkalemye ma lukma sa.​—Soakas 25:9.