Ya Kolyuk Lun Kraist El Paye Nu Sum?
“Nikmet pangon komwos ‘met leum,’ tu sie el Met Leum lomwos, Kraist.”—MATTU 23:10.
1. Su Met Kol siefwunnu lun met Kristian paye?
TUESDAY SE inge, Nisan 11. Len tolu lula, na Jisus Kraist el e fwa anwuki. Pa inge pal safla lal in som nu in tempel. Ke len inge, Jisus el srukak sie me lutlut na saok nu sin met nu kemwa su tukeni nu yurol wi met tuma lutlut lal. El fwak: “Nikmet pangon komwos Rabbai, tu sie met luti lomwos, a komwos nu kemwa met lili. A nikmet pangon kutena met fwin fwalu papa tumomwos, tu sie el Papa tumomwos, El su in kosrao. A nikmet pangon komwos ‘met leum,’ tu sie el Met Leum lomwos, Kraist.” (Mattu 23:8-10) Kalem na paye la Jisus Kraist pa Met Kol lun met Kristian paye nu kemwa.
2, 3. In porongo Jeova a akos Met Kol se su el srusrngiye fwa orala mea nu ke moul lasr?
2 Yok me insemwomwo nu ke moul lasr kut fwin muta ye kolyuk lun Jisus! In fwakak ke tuku lun Met Kol se inge, Jeova God el akkalemye ke inkanek lun met palu Isaia: “Ho, komwos nu kemwa su malu! Fwasru nu ke kofu. A el su wangin mani yuro. Fwasru, moli, a mongo Aok, fwasru, moli wain a milk ke wangin mani a wangin molo. . . . Komwos arulanu lipsre yu, a mongo ma mwo, a lela ngunomwos in engun ke ma fat. . . . Liye! Nga esalang tu lan sie met lo nu sin mutanfwalu, a leum nu sin mutanfwalu.”—Isaia 55:1-4.
3 Isaia el orekmakin oanu sie kain in kof nu kemwa—nu ke kof u na, milk, a wine—oanu me lumala in akkalemye lupan ma sikyuk nu ke moul lasr kut fwin akos Jeova a fwasr tokin Met Kol a Leum se su el srusrngiye nu sesr. Saflaiyen akmwuk inge oasr me insemwomwo, oanu ke kut nimya sie glass in kof ouyuhu ke len se su upa fol ka. Kena lasr nu ke ma paye a sumwosmwos akfwalyeyuk. Titi u me akkeye tulik srisrik a akkeyel in kapek, ‘oanu titi nu ke kas’ lun God akkeye kut a akyokye kapkapek lun moul in ngun lasr a futoto lasr nu sin God. (1 Piter 2:1-3) A su ka ku in lafwekin la wine u tia eneneyuk in sang akengunye sie kufwen toeni? Fwin lumeyuk oiye inge, nu ke alu nu sin God paye a in fwasr tokin Met Kol lal su el srusrngiye fwa oru moul lasr in “tingtingi ke insemwomwo.” (Duteronomi 16:15) Ke ma inge, arulanu yok sripe kut nu kemwa—met fwusr a met matu, mokul a mutan—in akpayeye la kolyuk lun Kraist oanu sie Met Kol arulanu paye sesr. Ou inge, ke len nu kemwa, kut e akkalemye fuka la Messaia el Met Kol lasr?
Met Fwusr—“Kapek in Lalmetmet”
4. (a) Mea sikyuk ke pal se Jisus el yiu 12 matwe som nu Jerusalem ke pal in Kofwen Alukela? (b) Fuka oiye mwomwo lun Jisus ke el yiu 12 matwe?
4 Loang nu ke me srikasrak su Met Kol lasr el akkeye nu sin met fwusr puspis. Fwinne tia yok sramsramkinyen moul lal Jisus ke el tulik yak, tusruktu oasr sie pal arulanu kalem oiye mwomwo su el orala. Ke pal se el yiu 12 matwe, el wi papa a nine kiel som nu Jerusalem in akfulatye Kofwen Alukela su elos oru ke yiu nu kemwa. In pal se elos muta ke akfulat se inge el mutamwauk in kusensiyuk ke kutu ma simusla in Baibel, a sou lal som mulkunulla. Tokin len tolu papa a nine kiel mutamwauk in fosrngala kel, Josef a Mary, elos silaklak in sokol a konalak in tempel, “muta in inmaslon met luti, in longolos, a kusensiyuk selos.” Ou inge, “elos nu kemwa su longol elos lut ke lalmetmet lal a topuk lal.” Me lut yok, ke sripen matwel oasr na ke yiu 12, a Jisus el ku in kusensiyuk kin kusensiyuk na loal, tia loal mukena kusensiyuk lal ke ma lun ngun, a el arulanu lalmetmet pa ke top lal! Wangin alolo ka, la el lutiyuk mwo yurin papa a nine kiyel.—Luk 2:41-50.
5. Fuka tulik fwusr elos ku in tuni oiye su elos akkalemye ke lutlut lun sou ke Baibel?
5 Saap kom siepa tulik fwusr. Fwin paye la papa a nine kiom an elos met kulansap paye lun God, e arulanu kalem la oasr akmwuk lun sou in lutlut Baibel in loom sum an. Fuka nunuk lom nu ke lutlut lun Baibel in sou lom an? Srike siyuk sum kusensiyuk inge: ‘Ya Nga sang insiuk na paye in kasru akmwuk lun lutlut Baibel in sou luk? Ya Nga sang kasru yok nu ka, in wangin kutena me akfos sikyuk nu ka?’ (Filippai 3:16) ‘Ya Nga kaifweung in wi top ke pal in lutlut? Fwin oasr pal mwo, ya Nga srukak kusensiyuk ke me lutlut an a suk in kasru ke kutu ma fwal nu ka? Ke Nga kapkapek ke moul in ngun, ya Nga orekma kutena oiye su ku in akkalemye lungse luk ke “mongo upa [su] fwal nu sin met matu”?’—Hibru 5:13, 14.
6, 7. Fuka yok sripeyen rid ke Baibel len nu kemwa nu sin tulik fwusr?
6 Arulanu yok sripe fwin oasr siepa akmwuk lun rid Baibel len nu kemwa. In oanu ma Sam el on kin: “Insemwomwo met se su su tia fwafwasryesr in papu lun met koluk, . . . a el engunak in ma sap lun Jeova a el nunkauk ka ma sap lal len a fong.” (Sam 1:1, 2) Josua, su aolulla Moses, fwa ‘rid in buk in ma sap se inge ke sie pusra srisrik len a fong.’ Ma inge aklalmetmetyel nu ke kunokon lal in mwo a in ku in aksafyela kunokon se su God el sang nu sel. (Josua 1:8 New World Translation) Met Kol lasr, Jisus Kraist el fwak: “Ma simusla, ‘Metu fwa tia moul ke bred mukena, a ke kas nu kemwa su tuku liki oalin God.’ ” (Mattu 4:4) Kut fwin enenu me mongo nu in manosr len nu kemwa, fuka yokiye pa nu ke me enenu lun ngun nu sesr in pal nu kemwa!
7 Ke eneneyuk yok ma lun ngun, paenang Nicole su yiu 13 matwe el mutamwauk in rid Baibel len nu kemwa.a In pal inge, ke el yiu 16 matwe, el ridela tari Baibel nu fon pal se a el sifwil ridela tafwu Baibel tari in pal inge ke pal se aktulo. El orala akmwuk lal arulanu fwusesr. “Nga srike in oakiye in ridi sapter se ke Baibel len se,” pa inge ma el fwak. Fuka rid lal ke Baibel pal nu kemwa kasrel? El fwak: “Ke sripen upala ma koluk tuku ke asrouki in pal inge. Paenang len nu kemwa Nga pulakin me keok puspis in lutlut a wekunang pa ke an puspis saye oru me akkeokye lalalfongi luk. Tusruktu, ke sripen rid Baibel luk pal nu kemwa paenang Ngan ku in sa orekmakin me kasru lun Baibel a ouyepa kutena me kasru mwomwo su akkeye yu Ngan ku in kutangla me keok inge. Ke saflaiye, Nga pulakin futoto luk nu sin Jeova a Jisus.”
8. Mea fasin lun Jisus nu ke imwen lolngok, a fuka tulik fwusr elos ku in etawel?
8 Jisus el orekmakin pal nu kemwa in porongo a in eis pal mwo in ridi ma simusla ke Baibel in loom alu. (Luk 4:16; Orekma 15:21) Fuka mwoiye nu sin tulik fwusr in etawi me srikasrak inge ke elos wi meeting lun met Kristian pal nu kemwa, ke pal se Baibel el ridiyuk a lutlutkinyuk! In akkalemye me insemwomwo su tuku ke pal in meeting, Richard su oasr ke yiu 14 matwe el fwak: “Meeting u sie ma saok nu sik. Pal nu kemwa Nga eis kas in kasru in sensenkin ma koluk a ma mwo, mea ma fokfok a nasnas, a mea kalmen moul in met Kristian a tia met Kristian. Nga tia enenu in akilen ma inge ke sie inkanek upa—ke inkanek lun experience koluk.” Aok, “kas in luti lun Jeova payenu, me aklalmetmetye met nukin.” (Sam 19:7) Nicole el orala pa sie akmwuk in wi meeting limekosr lun congregation ke wik nu kemwa. El oakiye nu sel ke lusen ao luo nu ke tolu in akola nu ke meeting.—Efesus 5:15, 16.
9. Fuka tulik fwusr elos ku in “kapkapek in lalmetmet”?
9 Pal se tulik se el fwusr pa inge pal mwo emeet in eis ‘etauk ke God paye mukefwunnu, a Jisus Kraist su el supwelmu.’ (Jon 17:3) Saap oasr tulik fwusr su kom etu la el sisla pal yok lal in ridi comic books, liye television, sritelkin video games, ku muta sritelkin internet ke lusen pal loeloes. Efu ku kom lungse in etaweltal ke kom fwin ku in etawi srikasrak mwomwo lun Met Kol lasr. In oanu sie tulik, el engunkin in eis etauk kel Jeova. A mea me usru ka? Meyen el lungse na paye ma lun ngun, “Jisus el kapek in lalmetmet.” (Luk 2:52) Ke ma inge, kom ku pa.
“Akfulatye Sie Sin Sie”
10. Mea fwa ku in kasru moul in sou in eis misla a insemwomwo?
10 Lom se ku in sie an in misla insemwomwo engun ku el ku in ekla sie an in keok fos a akukuin. (Soakas 21:19; 26:21) Kut fwin lela kolyuk lun Kraist in kurungin kut na e fwa oasr misla a engun in sou. Me srikasrak lun Jisus sifwanu, ku in akpayeye, la akmwuk lal nu kemwa me akmwoye inmaslon sou. Baibel el akkalemye: “Akpusisilye komwos nu sin sie sin sie in sangeng sin Kraist. Mutan kie, komwos in akpusiselye komwos nu sin mokul tumomwos, oanu nu sin Leum, tu mokul el sifwen mutan kiel, oanu Kraist el ouyepa sifwen surs, a el sifwanu met lango lun mano. . . . Mokul tuma komwos in lungse mutan kiomwos, oanu Kraist el ouyepa lungse surs, a sifwanu esalang ka.” (Efesus 5:21-25) Nu sin congregation fwin an Kolosse, met sap Poul el simusla: “Tulik, komwos in akos papa tumomwos a nine kiomwos in ma nu kemwa, tu ma inge me akinsemwomwoye Leum.”—Kolosse 3:18-20.
11. Fuka mokul payuk elos ku in akkalemye la elos lungse na paye kolyuk lun Kraist?
11 Kut fwin fwasr tokin kas in kai inge kalme pa mokul el sifwen sou, mutan kiel el enenu in sang kasru mwomwo nu sel, a tulik in akfulatye papa a nine. Fwin ou inge, kolyuk lun papa fwa me insemwomwo paye el fwin akos paye. Sie mokul payuk enenu in lalmetmet pa in nunuk nu ke kolyuk lal fwal nu ke akmwuk lun Sifwel a Met Kol lal, Jisus Kraist. (1 Korint 11:3) Fwinne Jisus el ekla tari “sifwen ma nu kemwa nu ke susr,” a ke el tuku nu fwalu “el tia tuku tu met in kulansap nu sel, a tu lan kulansap nu selos.” (Efesus 1:22; Mattu 20:28) Ke inkanek senpanu inge, mokul payuk Kristian se enenu in oru oanu ke kolyuk lal, tia in suk ma lungse lal sifwanu, a in suk ma lungse lun mutan kiel a tulik nutul—aok, ma lungse lun met nu kemwa in sou. (1 Korint 13:4, 5) El enenu in etawi me srikasrak mwo lun sifwel, Jisus Kraist. In oanu Jisus, ke el mongfwusesr a pusisel in nunuk. (Mattu 11:28-30) Kain in kas inge “Nga tafongla sisla koluk” ku “kom pa paye u” tia ma upa nu sel in fwak pal nu kemwa el fwin tafongla. Srikasrak mwomwo lal inge arulanu fwusesr paenang fwusesr nu sin mutan in orekmakin oanu, “sie met kasru,” sie “su lalalfongiyuk” a “sie partner mwo” nu sin sie mokul, a in eis sie kasru sel a in tukeni orekma akesrui sie sin sie.—Genesis 2:20; Malakai 2:14.
12. Mea fwa kasru mutan payuk elos in akos akmwuk ke sifwe?
12 Nu sin sie mutan, ke kunokon lal, el enenu in akfulatye mokul tumal. Tusruktu, fwin ngun lun fwalu ilyuk nu in el, nunuk lal ke akmwuk lun sifwe, a pusisel nu sin mokul tumal el e srungela. Baibel tia sapkin nu sin mokul in oru ma sap alukela in upala, tusruktu mutan el enenu in akpusisilyel nu sin mokul tumal. (Efesus 5:24) Baibel el ouyepa sang nu sin mokul payuk ku papa se in kurungin sou lal, paenang fwin akmwuk inge akosyuk e fwa oasr engun misla insemwomwo paye in sou.—Filippai 2:5.
13. Mea me srikasrak su Jisus el oakiye nu sin tulik ke oiyen akfulat?
13 Tulik in akos papa a nine kielos. Ke sripe inge, Jisus el oakiye sie akmwuk mwomwo. Ke tokin ma sikyuk in tempel ke el yiu 12 matwe Jisus el mulkinyuk la ke lusen len tolu, ke “el welultal [papa a nine kiel] tufoki, a tuku nu Nasaret, a el aksoltal.” (Luk 2:51) Tulik nu kemwa su akos papa a nine kielos ku in orala engun misla insemwomwo a ku pa in orala sou in insese pal nu kemwa. Fwin met nu kemwa in sou elos moul fwal nu ke kolyuk lun Kraist, na e fwa oasr engun misla insemwomwo paye in sou.
14, 15. Mea ku in kasre kut fwin oasr me keok sikyuk in loomu? Sang me pupulyuk.
14 Fwin oasr me fos sikyuk in loomu, me kasru mwo emeet nu ka pa in orekmakin akmwuk lun Jisus a in suk kolyuk lal. Nu ke sie me pupulyuk, ke Jerry su matwe yiu 35 el payukyuk sel Lana, su oasr tari tulik mutan fwusr se nutul, el orala sie me lain nu upa su eltal kemwa tia na nunku ka. Jerry el akkalemye: “Nga etu la in orala sie met kol mwo, Nga enenu in orekmakin akmwuk nu kemwa lun Baibel su me kasru yok nu sin sou. Tia pat tok Nga koneak la Nga enenu in arulanu etu a kalem yok ke orekmakinye.” Tulik mutan se lal (stepdaughter) inge orel oanu sie met su muta inmasloltal in akkolukyeltal a el lainul na paye ke ma inge. Jerry el enenu in arulanu etu la fos inge ku in liyeyuk a sikyuk ke ma tulik mutan se inge fwak a oru. A fuka Jerry el ku in aksumwosye ma inge: “Nga a Lana insese la ka la ke mutamwauk, Lana el enenu in eis kunokon in kai lun papa a nine nu sel, a Nga fwa suk in nawu sie akmwuk mwo inmaslok a tulik mutan (stepdaughter) se inge. Ke kutu pal tok, akmwuk se inge orala me kasru na mwomwo.”
15 Ke pal se kut sun me keok in loom sesr, kut enenu in arulanu lalmetmet in etu la efu ku met inge in sou el kaskas ou inge a la efu ku el oru kain in orekma inge. Kut enenu pa in lalmetmet in orekmakin mwo akmwuk lun God. Ke me pupulyuk, Jisus el akkalemye arulanu kalem ke sripe se su paenang mutan se inge el keok ke sra su surorla liki insiel a el kalilye, a el fwak nu sel ke kas fwusesr a kulang. (Livitikus 15:25-27; Mark 5:30-34) Lalmetmet a etauk el sie me akul nu ke Met Kol lasr. (Soakas 8:12) Kut insemwomwo fwin kut oru fwal nu ke ma lungse lal.
‘Suk Meet Togusrai’
16. Mea fwal in on ke moul in nunuk lasr, a Jisus el akkalemye fuka ma inge ke me srikasrak lal?
16 Jisus el tia sang alollo nu ke moul lun met nu kemwa su filiye lalalfongi lalos nu ke akmwuk in kolyuk lal. El fwak: “A komwos in suk meet togusrai (lun God), a ma sumwosmwos lal.” (Mattu 6:33) A ke me srikasrak lal, el oakiye nu sesr inkanek mwo kut in fwasr ka. Ke aksafyeyukla len 40 ke lusen pal in lalo, nunuk, a pre su orek tokin baptaisla lal, Jisus el pulakin sie me sruf upa. Setan su Devil el lungse in sang nu sel kol “togusrai nu kemwa fwalu.” Srike nunku ke kain in moul su Jisus el lukun moulkin fwin el akos siyuk lal Devil! Tusruktu, Jisus el sulela in oru ma nu kemwa Papa tumal el lungse. El akilen pa la, moul insemwomwo ke fwal lun Setan fwa oan na kitin pal. Paenang el tia alollo in folukunla me siyuk lal Devil, in fwak: “Ma simusla, ‘Kom fwa alu nu sin Jeova God lom, a kulansap nu sel mukena.’ ” Tokin pal se inge, Jisus el “mutamwauk in luti, a fwak: ‘Komwos auliyuk, tu togusrai in kosrao apkurun me.’ ” (Mattu 4:2, 8-10, 17) Ke lusen moul lal nu fon fwin fwalu, Kraist el fwakelik Togusrai lun God pal nu kemwa.
17. Fuka kut ku in akkalemye la akmwuk lun Togusrai pa ma se emeet in moul lasr?
17 Kut enenu in fwasr tokin akmwuk lun Met Kol lasr a tia lela fwal lun Setan in srifwe kut la nu ke kena in suk kain in orekma su yok moloa kutena kain in ma pengpeng in pa ma yok emeet ke moul lasr. (Mark 1:17-21) Fuka yokiyen me asor lasr kut fwin tafongla in sang nunuk yok lasr in kafofola ke ma mwolanu a lungse lun fwalu in paenang kulansap lasr nu ke Togusrai lun God in ma pilesr se nu sesr in oanu ma se akluo! Jisus el sapkin nu sesr ke sie kunokon in luti-Togusraia oru met tuma lutlut. (Mattu 24:14; 28:19, 20) Aok, e paye la oasr pa kutena kunokon ku me kafofo lasr nu sin sou lasru, tusruktu ya tia mwo a me insemwomwo kut fwin suk in oru orekma in luti a fwakelik ke eku a saflaiyen wiku? Aok, sie me insemwomwo in long la ke orekma in luti a fwakelik peng mwo ke yiu 2001 oasr met oru orekma pal nu kemwa oanu full-time minister a pioneer 780,000 kutu kalem ke yiu tari a!
18. Mea ku in kasre kut in engunkin orekma lun forfor?
18 Buk in Gospel lun Baibel akkalemye la Jisus el sie met su moniyuk in orekma a oasr lungse paye in nunuk lal. In pal se ke el liye a akilen enenu yok lalos su raunella ke ngun, el arulanu pakomutalos a lungse in kasrelos. (Mark 6:31-34) Kut ku in engunkin orekma in luti a fwakelik lasr ke pal se kut sang ke lungse paye orekma in kasru lasr nu sin kutu met. Tusruktu, kut eis oiye kain in lungse inge? “Ke pal se ma Nga fwusr,” Jayson tulik fwusr se el fwak, “Nga tianu engunkin orekma in luti a fwakelik peng mwo.” A mea kasrel paenang el lungse la orekma se inge? Jayson el akkalemye: “In sou luk a, ke lututeng in Saturday nu kemwa met nu kemwa som nu ke orekma in forfor luti. Ke Nga wi orekma lun forfor Nga lungse meyen pal nu kemwa Nga oru orekma se inge, Nga ku in liye kain in ma mwomwo puspis tuku ka su akkeye lungse luk in yokelik ke orekma se inge.” Kut enenu pa in moniyuk a kaifweung in wi orekma in forfor luti a fwakelik peng mwo.
19. Mea sulela paye lasr nu ke kolyuk lun Kraist?
19 Ma na paye se la oasr me insemwomwo a me akengun nu sesr kut fwin lalalfongi ke kolyuk lun Kraist. Kut fwin suk akmwuk se inge, met fwusr nu kemwa elos fwa eis lalmetmet yok a etu paye. Moul in sou fwa ekla me engun a insemwomwo paye, orekma in forfor fwa me engun insemwomwo a akmisyela kain in me keok nu kemwa. Ke ma inge, lela kut in akkalemye ke moul lasr len nu kemwa a ke sulela paye lasr la kut lungse na paye kolyuk lun Kraist. (Kolosse 3:23, 24) Ou inge, Jisus Kraist, el oakiye akmwuk lal ke sie pa inkanek—ke congregation lun met Kristian. Ke me lutlut toku kut fwa lutlutkin ke inkanek fuka kut enenu in oru tu kut fwa ku in eis me usru ka.
[Footnote]
a Oasr kutu in e ayaolla.
Ya Kom Esam?
• Fuka akos lasr nu sin Met Kol su God el srusrngiye ku in akinsemwomwoye kut?
• Fuka met fwusr elos akkalemye la elos lungse in fwasr tokin kolyuk lun Jisus?
• Mea sikyuk nu ke moul in sou su lungse akmwuk in kolyuk lun Kraist?
• Fuka orekma in forfor lasr akkalemye la kut lungse na paye kolyuk lun Kraist?
[Pictures on page 9]
Tulik u pa pal mwo in eis etauk ke God a ke el su srusrngiye Met Kol lasr
[Picture on page 10]
Fwasr tokin kolyuk lun Kraist me akinsemwomwoye sou
[Pictures on page 12]
Jisus el suk meet Togusrai. Ya kom oru pe?