Jeova—El Me Srikasrak Mwomwo Nu Ke Mwolanu
“Sang kulo nu sin Jeova lun un met meun, tu Jeova el mwo!”—JEREMAIA 33:11.
1. Efu ku fwal kut in kaksakin mwolanu lun Jeova?
JEOVA GOD el mwo in ma nu kemwa. “Tu fuka yokeyen mwo lal!” met palu Zekaraia el fwak. (Zekaraia 9:17) Paye, mwolanu nu kemwa akkalemyeyuk ke ma nu kemwa God el oru in akola fwalu nu ke insemwomwo lasr. (Genesis 1:31) Kut tia ku in akilen ma sap nu fon su God el orekmakin ke pal el orala kosrao a fwalu. (Ekklisiastis 3:11; 8:17) Tusruktu fwinne ma srisrik na su kut etu ke ma orekla lal mokle kut in kaksakin God ke mwolanu lal.
2. Fuka aketeye lom nu ke mwolanu?
2 Mea se inge mwolanu? El sie inse mwo. Tusruktu, ma inge el tia sramsram mukena ke wangin ma koluk. Oiye mwo el sie fwako lun ngun mutal, sie kain in oiye fulat pa inge su akkalemyeyuk in akinsemwomwoye kutu met. (Galetia 5:22, 23) Kut akkalemye inse mwo ke pal se kut oru orekma mwo in akinsemwomwoye kutu met. Ke akmwuk lun fwal se inge, ma kutu met elos nunku mu mwo, ma inge koluk nu sin kutu met. Tusruktu, kut fwin lungse in engunkin misla a insemwomwo, enenu in oasr akmwuk siefwunnu ke ma mwo. Su oasr sumwos in oakiye akmwuk se inge?
3. Mea Genesis 2:16, 17 aketeye ke akmwuk lun mwolanu?
3 God el oakiye akmwuk ke ma mwo. Ke mutamweyen me sramsram lun met, Jeova el sapkin nu sin met se meet: “Kom ku in mongo ke sak nu kemwa in imae se inge oanu kom lungsum. A ke sak in etu ma mwo a ma koluk, nik kom mongo ka, tu in len sa kom mongo ka paye kom fwa mise.” (Genesis 2:16, 17) Aok, met nu kemwa enenu in ngetuk nu sin Met Orekutla ke etauk nu ke ma mwo a ma koluk.
Seseslanu ke Mwolanu
4. Mea God el oru nu sin metu tokin Edam el orala ma koluk?
4 Fwinsrak lun met nu kemwa ke sie moul sumwosmwos a insemwomwo ma patpat filiyuki nu ke me sensen ke pal se Edam el oru ma koluk a srunga in akilen sumwos lun God in oakiye akmwuk ke ma mwo. (Genesis 3:1-6) Tusruktu, meet liki tulik nutul Edam nu kemwa osweyukla oanu met usru lun ma koluk a mise, God el palye ke tuku lun sie Fute sumwosmwos. Ke pal se el sramsram nu sin “serpent matu,” Setan su Devil, Jisus el fwak: “A Nga fwa filiye srunga in maslom a mutan se inge, a inmaslon fute lom a fute lal. El fwa kunausla sifwom, a kom fwa kunausla kapiniel.” (Fwakyuk 12:9; Genesis 3:15) Akmwuk lun Jeova ke mutamwauk me in molela met koluk. In akkalemye ke sie inkanek la el seseslanu ke mwolanu, Jeova el sang na paye ma el mwolela inge in molela met nu kemwa su akkalemye lalalfongi nu ke me kise lango lun Mwen kulu nutul.—Mattu 20:28; Rom 5:8, 12.
5. Fwinne kut usrui sie kena koluk lun inse, fuka kut ku in akkalemye orekma mwo?
5 Paye, ke sripen ma koluk lal Edam, kut nu kemwa usrui inse koluk. (Genesis 8:21) Tusruktu, sie me insemwomwo, meyen Jeova el kasre kut in akkalemye sie lupan orekma mwo. Orekmakinyen ma kut lotela tari ke ma simusla mutal kasre kut in tia ‘lalmetmet mukena nu ke molela’ a ‘akola fwal nu ke orekma mwo nu kemwa,’ a ma inge kasre kut pa in oru ma mwo ye mutal. (2 Timote 3:14-17) Tusruktu, in eis me insemwomwo su tuku ke me luti lun Ma Simusla a in akkalemye orekma mwo, kut enenu in akkalemye oiye lun met sim lun Sam su on: “Kom [Jeova] mwo, a kom oru mwo. Luti yu ma sap lom.”—Sam 119:68.
Mwolanu lun Jeova Kaksakinyuk
6. Tokin Togusra Devid el oakiye tuptup lun mwoleaung in an Jerusalem, on fuka met Livai elos yuk?
6 Togusra Devid lun lun an Israel meeta el akilen mwolanu lun Jeova a suk kas in luti Lal. “Jeova el mwo a sumwos,” Devid el fwak. “Ke ma inge, el e fwa luti inkanek nu sin met koluk.” (Sam 25:8) Toeni nu ke me luti mutal lun God su el sang nu sin met Israel pa ma sap siengoul saok—Ma Sap Siengoul—simusyukla nu ke luo tebu eot a filiyuki nu ke sie tuptup pangpang tuptup lun mwoleung. Tokin Devid el wisla tuptup inge nu Jerusalem, capital city lun Israel, met Livai elos yuk on soko su kas inge oasr ka: “O sang kulo nu sin Jeova, tu el mwo, tu lungkulang lal on ma patpat.” (1 Kronikel 16:34, 37-41) Sie me insemwomwo na paye in long kas inge su tuku sin met on Livai!
7. Mea sikyuk tokin utukla lun ark nu in tempel Mutal na Mutal a tokin pre in kise lal Solomon?
7 Kas in kaksak senpanu inge akkalemyeyuk ke lusen pal in mwolela lun tempel lun Jeova su Solomon, mwen nutul Devid el orala. Tokin elos filiye tuptup lun mwoleung nu ke infwokil mutal na mutal lun tempel sasu inge, met Livai elos mutamwauk in on in kaksakin Jeova, “tu el mwo, tu lungkulng lal on ma patpat.” Ke pal inge, tempel el nenela ke sie pukunyeng, sie akul pa inge la mwolanu lun Jeova oasr ka. (2 Kronikel 5:13, 14) Tokin Solomon el aksafyela pre in mwolela lal, “e oatui in kosrao me, a esukak me kise furur a me kise.” Ke pal se elos liye ma inge, “tulik nutul Israel nu kemwa . . . elos fwaksifwe, a alu a sang kulo nu sin Jeova, ‘tu el mwo, tu lungkulang lal on ma patpat.’ ” (2 Kronikel 7:1-3) Tokin kofwo lulap se inge ke lusen len 14, met Israel elos folokla nu in loom selos “engun a insemwomwo insielos ke ma mwo su Jeova el fwakak nu sel Devid, a nu sel Solomon, a nu sin Israel met sral.”—2 Kronikel 7:10.
8, 9. (a) Met Israel elos fwinne akkalemye kaksak lalos nu sin Jeova ke mwolanu lal, kain in inkanek fuka elos sulela in fwasr ka? (b) Kas in palu fuka Jeremaia el fwakak ke an Jerusalem, a fuka akpayeyen kas in palu inge?
8 Sie me asor, meyen met Israel elos tia kaifweung na in moul fwal nu ke on in kaksak lalos nu sin God. Tia pat toko, met fwin an Juda elos ‘sunakin na Jeova ke ngoasrolos.’ (Isaia 29:13) Elos fwasr liki akmwuk lun Jeova ke ma mwo, a elos mutamwauk in oru ma koluk. A kain in ma koluk fuka elos oru? Aok, elos mutamwauk in alu nu ke me srulela, oru orekma lun kosro, akkeokye met sikasrup, a kutupa ma koluk upa! Ke sripe se inge, Jerusalem el musalla a met nu kemwa su muta in an Juda elos ekla met sruo fwin an Babulon in yiu 607 B.C.E.
9 Ke ma inge God el sang kai nu sin met lal. Tusruktu, ke inkanek lun met palu Jeremaia, el palye la oasr sie pusra su e fwa longyuk fwin an Jerusalem su tuku sin met inge su fwak: “Sang kulo nu sin Jeova lun un met meun, tu Jeova el mwo; tu lungkulang lal on ma patpat!” (Jeremaia 33:10, 11) A ma inge akpayeye. Tokin sikeyukla an inge ke lusen yiu 70, in yiu 537 B.C.E., sie un met Ju lula elos folokla nu Jerusalem. (Jeremaia 25:11; Daniel 9:1, 2) Elos sifwil musaiyuk me loang ke tempel fwin Eol Moriah a elos mutamwauk in orek kise we. Foundeson lun tempel filiyuki yiu luo tokin foloko lalos we. Sie pal in engun pa inge! “A ke met musa filiye foundeson nu ke tempel lun Jeova,” Ezra el fwak, “elos takunla met tol in nuknuk lalos wi ukuk, a met Livai mwen nutul Esaf wi simbal, in kaksakin Jeova, oanu takla lal Devid Togusra Israel. A elos on nu sin sie sin sie in kaksak a sang kulo nu sin Jeova, a fwak, ‘tu el mwo, tu lungkulang lal on ma patpat nu sin met Israel.’ ”—Ezra 3:1-11.
10. Mea kas yok in mutamwauk a kas in aksafye in Sam 118 akkalemyeyuk?
10 Kain in kas in kaksak senpanu ke orekma mwo lun Jeova akkalemyeyuk pal puspis ke buk lun Sam. Wikin ma inge pa Sam 118, sou Israel elos yuk on soko inge in aksafyela akfulat lalos ke Kofwen Alukela. On se inge mutamwauk a aksafyela ke kas inge: “O komwos in sang kulo nu sin Jeova, tu el mwo; tu lungkulang lal on ma patpat.” (Sam 118:1, 29) Pa inge luman kas safla ke on in sang kaksak su Jisus Kraist a met sap oaru lal elos on ke fong safla meet liki el mise in yiu 33 C.E.—Mattu 26:30.
“Nga Siyuk Sum, Fwakak Nu Sik, Mwolanu Lom”
11, 12. In pal se ke Moses el liye mwolanu lun God, kain in pusra fuka el long?
11 Ma oanu sie inmaslon orekma mwo lun Jeova a lungkulang lal akkalemyeyuk tari ke century puspis meet liki pal lal Ezra. Tia pat tokin met Israel elos alu nu ke cow fwusr su orek ke gold in yen mwesis a met nu kemwa su oru ou inge anwuki, Moses el siyuk sin Jeova: “Nga siyuk sum, fwakak nu sik mwolanu lom.” Meyen el etu la Moses el ku in mise el fwin liye mutal, paenang Jeova el fwak: “Nga fwa oru tu mwo luk nu kemwa in alukela ye mutom.”—Exodus 33:13-20.
12 Mwo nu kemwa lun Jeova alukela ye mutal Moses ke len toko fwin Eol Sainai. Ke pal inge, Moses el liye mwolanu lun God a long kas inge: “Jeova, Jeova, sie God pakomuta a kulang, tia sa in mulat, a yoklanu lungkulang a paye lal, in srukye lungkulang nu sin tausen, nunuk munas ke ma koluk a ma sito a meta, a su a fwa tia aksumwosmwosye met koluk, wise ma koluk lun papa tuma nu fwin tulik nutu, nu ke fwil se aktolu a akakosr.” (Exodus 34:6, 7) Kas inge akkalemye la mwolanu nu kemwa lun Jeova kapsreni nu ke lungkulang lal a kutupa oiye fulat lal. In nunku ke ma inge ku in kasre kut in akkalemye orekma mwo. Lela kut in tuni oiye fulat inge su sramsramkinyuk pal luo ke kas mwolanu inge ke mwolanu lun God.
“Sie God . . . Yoklanu Lungkulang”
13. In akkalemye ke mwolanu lun God, mea fwako luo ma kalweniyuk, a efu ku fwal in orek?
13 “Jeova [el] sie God . . . su yoklanu lungkulang . . . , srukye lungkulang nu sin tausen.” Kas Hibru inge su langasyukla “lungkulang” ku in kalmekin “oaru in lungse.” Pa inge oiye fulat su sramsramkinyuk pal luo ke kas lun God nu sel Moses. Arulanu fwal pa inge, meyen oiye fulat emeet lun Jeova pa lungse! (1 Jon 4:8) Kas in kaksak pengpeng inge nu sin Jeova “tu el mwo, tu lungkulang lal on ma patpat,” el akkalemye oiye fulat lal inge.
14. Su fwal in eis mwolanu a lungkulang lun God?
14 Sie inkanek in akkalemye mwolanu lun Jeova pa ke el “seseslanu ke lungkulang.” Ma inge arulanu kalem ke kurungin a liaung su el oru nu sin met kulansap oaru lal su mwolela tari. (1 Piter 5:6, 7) Oanu Met Lo lun Jeova elos ku in akpayeye, la el ‘srukye lungkulang’ nu sin met nu kemwa su lungse el a kulansap nu sel. (Exodus 20:6) Mutanfwal Israel elos tia pulakin lungse kulang lun Jeova, ku lungse paye lal, ke sripen elos tia lalalfongi Mwen nutul. Tusruktu me insemwomwo a lungse paye lal nu sin met Kristian paye in mutanfwal nu kemwa fwa oan ma patpat.—Jon 3:36.
Jeova—El Pakoten a Kulang
15. (a) Ke kas su Moses el long fwin Eol Sainai mutamwauk ke kain in kas fuka? (b) Mea wekunang orekma lun pakoten?
15 Ma sap su Moses el eis Fwin Eol Sainai mutamwauk ke kas inge: “Jeova, Jeova, sie God pakoten a kulang.” Kas se inge ‘pakoten” in kas Hibru ku in kalmekin nu ke “inse” a el orekmakinyuk oanu “nien orek tulik.” Ou inge pakoten el tuku ke nunuk paye lun inse su tuku na paye ke insien sie met. Tusruktu pakoten el yok kalmeye liki na in pakomuta. Pakoten el mokle kut in suk kutena me kasru mwomwo in sang kasru kutena met su sun me keok. Nu ke me pupulyuk, met Kristian elder nu kemwa enenu in etu in orekmakin pakoten nu sin met wielos in lalalfongi, ‘su orekma kulang ke engun’ in pal fwal.—Rom 12:8; Jemes 2:13; Jud 22, 23.
16. Efu ku fwal in fwakyuk mu Jeova el kulang?
16 Mwolanu lun God ku in ku pa in akilenyuk ke kulang lal. Sie met kulang el “eteyuk ke orekma mwo lal nu sin kutupa met saye” a el lungse pa in sang ‘kasru nu sin met pusisel pal nu kemwa.’ Jeova pa sie me srikarak na mwomwo nu ke inkanek in kulang nu sin met kulansap oaru lal. Ke inkanek kulang lal God el orekmakin lipufon in akkeye met palu Daniel su arulanu matuo a in akkalemye nu sin mutan virgin Mary la el kaksakinyuk a fwa akinsemwomwoyeyuk in putete a oswela Jisus. (Daniel 10:19; Luk 1:26-38) In oanu met lun Jeova, kut insemwomwokin pa inkanek in kulang mwolanu lal su etuku nu sesr ke kas lal Baibel. Fwal kut in akfwulatyel ke inkanek mwolanu lal nu kemwa su akkalemyeyuk a in suk in orekmakin inkanek kulang lal nu sin kutupa met saye. Fwin oasr pal met su matu in ngun elos aksumwosye sie met ke ma koluk lal ke “ngun lun fwokpap,” elos arulanu inse pusisel, a kulang.—Galetia 6:1.
Sie God Su Pat in Mulat
17. Efu kut ku in sang kulo la Jeova el “pat in mulat”?
17 “Sie God . . . su pat in mulat.” Kas inge akkalemyeyuk pa ke kutu fwako su fwakak ke mwolanu lun Jeova. Jeova el muteng nu ke ma tafongla lasr a el lela nu sesr pal loeloes in auliyuk liki ma koluk upa su kut orala a in akkeye kapkapek lun moul in ngun lasr. (Hibru 5:12–6:3; Jemes 5:14, 15) Mongfwusesr lun God sang pal mwo nu selos nu kemwa su soenna forla in alu nu sel. Srakna oasr pal mwo lalos in lutlut ke peng mwo lun Togusrai in forla a auliyuk. (Rom 2:4) Jeova el fwinne mongfwusesr, tusruktu, ke mwolanu lal paenang kutupal el ku in akkalemye mulat lal, in oanu ke pal se met Israel elos forla alu nu ke me srulela lun golden calf ke elos muta Fwin Eol Sainai. A fwa tia pat God el fwa akkalemye inkanek in mulat lal su soenna liyeyuk ke kutu pal in sang aksafyela akmwuk koluk lal Setan.—Ezekiel 38:19, 21-23.
18. In tuni ke orekma lun ma paye, mea kut ku in fwak ke orekma lun met kol lun metu a Jeova?
18 “Jeova el sie God . . . su tingtingi . . . ke ma paye.” Fuka siena lun Jeova nu ke met kol lun fwalu, su oru mwolela puspis a tia fwasr fwal nu ka! Nu sin met nu kemwa su oru alu lalos nu sin Jeova elos filiye lalalfongi lalos nu kemwa nu ke Kas Lal. Ke sripen God el tingtingi in ma paye, lela kut in filiye lalalfongi lasr nu ke mwolela nu kemwa lal. Ke pakoten wi mwolanu lal, pre lasr nu sin Papa tumasr su in kosrao fwa longyuk sel in kasre kut ke kapkapek lun ma paye in ngun su oasr fwako mwolanu puspis ka.—Sam 43:3; 65:2.
19. Mea ma pengpeng su Jeova el akkalemye ke orekma mwo su el oru nu sin met koluk su auliyuk ke paye?
19 “Jeova el sie God . . . su yoklanu pakoten a nunuk munas nu ke ma koluk.” Ke sripen mwolanu lal, Jeova el sang nunuk munas nu sin met koluk nu kemwa su auliyuk ke paye. Arulanu fwal kut nu kemwa in sang kulo a kaksakin Papa tumasr in kosrao ke akmwuk mwolanu su el oakiye nu sesr in oasr inkanek lun nunuk munas ke ma koluk lasr ke me kise lun Jisus su tuku ke mise lal. (1 Jon 2:1, 2) Ke ma inge kut eis me insemwomwo, tu met nu kemwa su filiye lalalfongi nu ke akmwuk lun me lango fwa ku in eis me insemwomwo lun Jeova, wikin fwinsrak lun moul ma patpat ke sie fwal sasu su el mwolela ka. Fuka mwolanu lun akmwuk inge su fwal in kaksakinyuk Jeova ka ke sripen me insemwomwo su el akola nu sin met nu kemwa!—2 Piter 3:13.
20. Me akpaye fuka kut in akkalemye kel Jeova la el srunga ma koluk?
20 “Jeova el fwa tia sroukye kai lal.” Pa inge sie sripe yok fwal in kaksakinyuk Jeova ke ma mwolanu lal. Efu? Meyen oasr pa sie ma yok sripe su kalem ke akmwuk mwolanu inge pa ke kutena kain in inkanek el tia insese ke kutena ma koluk. Yok liki nu kemwa, “ke Leum Jisus el sikme in kosrao me wi lipufon lal,” in sang foloksak “nu selos su tia etu God a nu selos su tia akos mwosasu.” Elos “fwa keok ke kaiyuk lun kunausla ma patpat.” (2 Tessalonika 1:6-9) Elos su lula selos su alu nu sin Jeova fwa ku in engunkin moul insemwomwo paye su fwa wangin met koluk fwa akkolukyelos, in oanu elos su “wangin lungse yuru.”—2 Timote 3:1-3.
Etawi Mwolanu lun Jeova
21. Efu ku kut enenu in orekmakin akmwuk mwolanu?
21 Wangin kutena me siyuk lasr in suk ke orekmakinyen kaksak in sang kulo nu sin Jeova ke ma mwolanu nu kemwa lal. In oanu met kulansap lal, ya tia fwal in akyokyelik ke kuiyesr nu fon kain in fwako ou inge? Aok, in fwal nu ke kas in kaifwe lal met sap Poul nu sin met Kristian: “Komwos fwa met etawi God oanu tulik kulu.” (Efesus 5:1) Pal nu kemwa Papa tumasr su in kosrao el orekmakin fwako mwolanu inge, su yoklanu eneneye nu sesr in oru oupanu.
22. Mea kut fwa lutlut ka ke me lutlut toku?
22 Fwin kut kisekinkutyung na paye nu sin Jeova, e fwa wangin alollo lasr in kaifweung in akyokyelik fwako lun orekma mwolanu lal inge. Ke sripen kut nu kemwa tulik nutul Edam su koluk, paenang tia fwusesr nu sesr in oru mwo. Tusruktu, ke me lutlut fwasru, kut fwa lutlutkin kain in inkanek su ma ku in kasre kut in orekmakin fwako mwolanu inge. Kut lutlukin pa kain in inkanek puspis fuka kut ku in etawi Jeova—su me srikasrak mwo emeet ke mwolanu lal.
Kom fwa topuk Fuka?
• Mea se inge mwolanu?
• Mea Baibel akkalemye yok ke mwolanu lun God?
• Mea kutu me akpayeye ke mwolanu lun Jeova?
• Efu ku kut enenu in etawi me srikasrak lun Jeova ke mwolanu?
[Picture on page 12]
Jeova el kai met lal in pal meeta ke sripen elos tia moul fwal nu ke orekma in kaksak su elos akkalemye
[Picture on page 12]
Oasr sie un met lula su foloko nu Jerusalem
[Picture on page 13]
Moses el long ke sie pusra sakuruk ke mwolanu lun God
[Picture on page 15]
Mwolanu lun God kut ku in liye ke inkanek puspis su akkalemyeyuk nu sesr in Baibel