Mea Kom Etu Ke Orekma Lun Inutnut?

OREKMA LUN INUTNUT! Mea kas se inge akismakinye kom ka?

Nu sin met puspis, ma inge sie orekma lun alialu a tia paye, a tia in loang yok ka. Nu sin met puspis, orekma lun inutnut oasr ke nunuk lun met su oanu in sramsram polinfong ke​—oiyen mutan inut se su nukomyukla ke sie nuknuk su afwunye mutal a oasr po soksok lun fak ke sie pot lulap su, ekulla metu nu ke frok, a soksok yen engyengu ke sie broom a oru isrusr in aksangeng.

Nu sin kutu metu, orekma lun inutnut tia me aksroksrok se. Kutu sin metu tuni ma inge a fwak la pus liki tafwu sin met fwin fwalu lalalfongi la orekma lun inutnut el ku in ekulla moul lun kutu met. Million puspis lalalfongi la orekma lun inutnut el sie ma koluk, me sensen, a me aksangeng lulap. Ke sie me pupulyuk, oasr sie buk su sramsramkin alu fwin an Africa el fwak: “Lalalfongi ke orekma a me sensen puspis su tuku ke magic koluk, susfwe, orekma lun inutnut arulanu yok ke moul lun met Africa . . . Met inutnut a met susfwe pa me srungeyuk yok emeet fwin an selos. Fwinne ke pal inge oasr kutu an mu met nu kemwa elos uni kain in met inge ne ke na elos mise.”

Tusruktu, in an puspis fwin an Roto, orekma lun inutnut oasr ke me akfulat sasu nu sin met. Buk puspis, television, a pitse mokuikui orekma puspis in aksrikye la me aksangeng nu ke orekma lun inutnut. Pa inge sie me entertainment analyst su pangpang David Davis el fwak: “Ke pal na sa, met inutnut elos fwusr a kato, oasku na paye. Met Hollywood elos arulanu sumat in orekmakin ma sakuruk nu sin metu. . . . Ke pal se elos oru met inutnut in kato a fwusesr nu sin met in lungselos, elos ku in purakak nunuk lun met puspis, wekunang mutan a tulik srisrik.” Met Hollywood elos etu in ekula kutena ma pengpeng nu ke ma se su ku in orala mani.

Kutu met elos fwak la fwin an United States orekma lun inutnut arulanu kapkapek. In an kasrup puspis, oasr sie u lun met su arulanu pus, su mokleyuk sin u puspis lun mutan pangpang feminist su supwar ke alu lulap puspis, elos suk ma su ku in akinsemwomwoyelos in ngun ke inkanek lun kain in orekma lun inutnut. Aok, arulanu pukanten kain in orekma lun inutnut paenang met puspis elos tia insese ka in oupanu kalmen kas se inge “inutnut.” Tusruktu, met puspis su pangnolos sifwanu met inutnut elos fwak la elos ma lun Wicca​—akkalemyeyuk ke sie dictionary oanu sie alu su mutamwauk meet liki pal lun met Kristian fwin an western Europe a el sifwilpa folokyak ke century ak20 inge.”a Met inge pangnolos sifwanu met pegan ku neopagans.

Ke lusen me sramsram nu kemwa lun fwalu, met inutnut nu kemwa elos me srungeyuk, sun kolyai, akkeokyeyuk, a anwuki. Tia me lut paenang met nu kemwa su orekmakin inutnut elos arulanu lungse in akmwoye lumalos. Ke sie survey, sie kusensiyuk elos siyuk sin met inutnut puspis la mea elos lungse na paye metu in etu ke moul lalos. Top lalos, fwin akfutotoyeyuk sin sie mutan su tuni orekma lalos su pangpang Margot Adler, el fwak: “Kut tianu koluk. Kut tia alu nu sin Devil. Kut tia oru ma koluk ku akkolukye kutu met. Kut tia me sensenkinyuk se. Kut oanu komtel. Oasr sou lasr, orekma, fwinsrak, a mwemwe pa lasru. Kut tia sie alu su kolyuk ye koko lun sie met. Kut tia orekma sakuruk. . . . Kom tia enenu in sangeng sesr. . . . Kut oanu panu kom yok liki na ma kom nunku.”

Insese lun met puspis ke kas inge, yokyokelik. Ya kalmen ma inge pa kut tia enenu in nunku yok ke orekma lun inutnut? Lela kut in tuni kusensiyuk inge ke me lutlut toko.

[Footnote]