Sie Me Srikasrak Nu Sin Met Kristian Su Sang Kai
“EFU kom ku mulat a efu mutom ku kouyuk?” Ke kusensiyuk inge, Jeova el sramsram ke kulang nu sel Kein. El tia orekmakin ku lal nu sel Kein tu lan ekla, meyen oasr sukosok lal Kein in oru sulela lal. (Srike liye Duteronomi 30:19.) Tusruktu, Jeova el tia lela Kein lan tia liye fwokin inkanek sesumwos lal. El sang kas in sensen nu sel Kein: “A kom fwin tia oru mwo, ma koluk onnu sisken mutunoaoa, a lungse lal a fwa nu sum.”—Genesis 4:6, 7.
Kut ku in liye na paye la ye kai upa inge, Jeova el tia nunku la Kein el ‘oanu sie met su tia ku in eis ma lane su tuku ke kasru. A, el fwak nu sel Kein me insemwomwo nu kemwa su sano el fwin ekulla inkanek lal, a el akkalemye lalalfongi la Kein el ku in kutangla liki ma upa lal el fwin sulela in oru ou inge. “Kom fwin oru mwo,” Jeova el fwak, “kom fwa tia eis kulang ka? El ouyepa siyuk sel Kein ke koskosrok lal su ku in kol nu ke akmas: “a lungse lal a fwa nu sum, a kom fwa leum fwe?”
Ke len inge, met Kristian elder nu kemwa in congregation enenu in etawi me srikasrak lun Jeova. Oanu ma akkalemyeyuk in 2 Timote 4:2, kutu pal elos enenu in “kai” a “kaiyuk,” elos akkalemye fwokin inkanek sesumwos lun met se. In pal se na, met elder elos “kaifwe.” Kas greek inge pa·ra·ka·leʹo ku in kalmekin “in sang me akkeye.” “Kas in kaifwe inge tia akngalye met, tia akkolukye ma kutu met elos nunku, ku suk ma tafongla,” pa inge ma Theological Dictionary of the New Testament el fwak. “Meyen me pwarak pa kalme saye lun kas Greek inge paenang ma inge el akkalemye kalme siefwunnu.”
In oupanu, kas Greek se inge, pa·raʹkle·tos su futoto nu ka, el ku in kalmekin sie met kasru ku sie met su akkeye sie met ke sie me sramsram ke ma sap. Ke ma inge, fwinne met elder elos sang kai in aksumwosye ma se, tusruktu elos enenu in esam la elos met kasru —a tia met lokwalok—lun sie met su enenu kai. Oanu Jeova, met elder elos enenu in srukye nunuk sumwos, akkalemye lalalfongi la sie met su eis kai el ku in kutangla liki ma upa lal.—Srike liye Galatia 6:1.
Paye, ke saflaiye, sulela na lun kais sie met el fwin lungse in orekmakin ku tia kas in kaifwe nu sel. (Galetia 6:5; Filippai 2:12) Saap met nu kemwa su sang kai elos konaok la kutu met elos tia loang ke kas in sensen lalos, oanu Kein su sulela in pilesru kas in kai lun Met Su Orala ma nu kemwa. Aok, fwin met elder elos etawi Jeova, oanu sie Me Srikasrak sumwosmwos nu sin met Kristian su sang kai, na elos ku in lalalfongi na paye la elos oru ma nu kemwa su elos enenu in oru.