MWE LUTLUT AHK 16

Kahs Wo ac Mwe Ahkkweye

Job 16:5

MA KOM KUH IN ORUH: Nuhnkuh ahkwoyac ke ma ac kuh in kahsruh ac mokle insiacn mwet suc lohng kom an, ac tiac sramsramkihn yohk ke ma upac uh.

Ahkkahlwemye nuhnak wo ke mwet suc lohng kom an. Kom luhlahlfongi lah mwet lili wiyom uh luhngse in ahkinsewowoye Jeova. Kom finne enenuh in sang kahs in kahsruh, sang kahs in kaksak meet pacl nuhkewa ma kuh.

Lwelah ma nuhkewa kom fahk an in ahkkahlwemye luhngse ac tiac kasrkuhsrak. Isracsr ke kuhlwacng in kahsruh mwet suc lohng an in etuh lah kom kahlwem ke ma elos puhla an ac elos kuh in luhlahlfongi kom.
Tiac sramsramkihn pacl nuhkewa ma upac ma sikyak uh. Ahkkahlwemye muhkwena ma upac ma sikyak fin ma inge kuh in sang kahsruh nuhke sifac sacn. Mwe sramsram na fohn se lom an enenuh in wo ac sang mwe ahkkweye.
Orekmakihn wo Kahs luhn God. Ahkkahlwemye ke ma ma Jeova el oraclah tari, ma el oruh ke pacl inge, ac ma el ac fah oruh nuh sin mwet uh. Ahkkweye ac ahkwoye mwet suc lohng kom an.