MWE LUTLUT AHK 15

Luhlahlfongi Na Pwacye Ke Ma Kom Fahk Uh

1 Thessalonica 1:5

MA KOM KUH IN ORUH: Ahkkahlwemye lah kom luhlahlfongi na pwacye lah ma kom fahk uh pwacye ac ma inge yohk srihpac.

Ahkolah in wo. Lutlutkihn mwe lutlut sacn nwe ke na kom kahlwem na pwacye kac lah fuhkah Bible uh ahkpwacyeye lah ma inge pwacye. Srihke kom in ahkkahlwemye ma yohk srihpac ke mwe sramsram lom an ke kom orekmakihn kahs fototo ac fihsracsr. Lohacng ahkwoyac lah fuhkah ma inge ac kahsruh mwet suc lohng kom an. Puhruhe ac siyuck ke nguhn muhtahl.

Ahkpahye ke puhsra yohk mwe sramsram lom an in kahsre kom in kahlwem na pwacye ke mwe lutlut sacn ac in ahkwoye inkacnek in sramsram lom an.
Orekmakihn kahs ma ahkkahlwemye lah kom luhlahlfongi ke ma kom fahk an. Orekmakihn kahs lohm sifacna, ac tiac kalweni na kahs nuhkewa ma oasr ke mwe rit sacn. Sulaclah kahs ma ahkkahlwemye lah kom luhlahlfongi ke ma kom fahk an.
Sramsram ke inkacnek pwacye ac ma tuhkuh ke insiac. Sramsram ke sie puhsra fal. Liye muhtuhn mwet suc lohng kom an, fin ma inge tiac oraclah elyah nuh sin mwet suc lohng an.

Sramsram ke inkacnek ma ahkkahlwemye lah kom luhlahlfongi na pwacye ke ma kom fahk an, nwe ohinge kom taran in tiac ahkngalye puhlakihn luhn mwet suc lohng kom an. Sramsram lom an finne tuhkuh na pwacye ke insiom, ma inge enenuh in orek ke inkacnek kuhlwacng.