Oruh Lutlut Lom Sifacna in Kahsre Kom Na Pwacye

EFUH YOHK SRIHPAC: Lutlut lasr sifacna ke Kahs luhn God uh kahsre kuht in “akihlen sralacpah, lusac, fuhlwacta ac loaliyen” ma pwacye uh. (Eph. 3:18) Ma inge kahsre kuht pac in nwacsnwacs ac wacngihn mwacta inmahsrlon mwet kuluk ac sruokyacna “kahs in moul.” (Php. 2:15, 16) Lutlut lasr sifacna ke Kahs luhn God uh oruh kuht in sulaclah mwe lutlut ma kuht enenuh ke moul lasr sifacna. Meac kuht ac oruh in eis ma wo ma kahsre kuht na pwacye ke pacl kuht rit ac lutlut Bible?

OREK FUHKAH:

• Mahkiyac fuhs ac suhmuhslah mwe lutlut yohk srihpac ke Bible nuhtum an ma kom orekmakihn in lutlut, oacna sie ke Bible, kuh ipad ac computer nuhtum an

• Siyuck sum sifacna kihsen siyuck inge ke kom riti Kahs luhn God uh: ‘Suc? Meac? Ngac? Oyac? Efuh? Fuhkah?’

• Eis mwe ahkpwacyeye. Orekmakihn kuhfwen orekma nuhkewa ke research, suk ke sifac kuh fuhs in Bible

• Sifwilpac nuhnkuh ke ma kom riti an in etuh lah fuhkah mwe lutlut uh fal nuh sum

• Orekmakihn ma kom lotwelah ke moul lom lwen nuhkewa.​—Lk. 6:47, 48

LIYE VIDEO SE INGE KEEP “A TIGHT GRIP”​—THROUGH EFFECTIVE PERSONAL STUDY, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Kuhtuh mwet uh ahkutweyac fuhkah lutlut lalos sifacna?

• Efuh kuht enenuh in puhruhelac pacl nuhkewa meet liki kuht muhtwacwacack ke lutlut lasr sifacna uh?

• Meac kuh in kahsre kuht in kahlwem na pwacye ke sie ma suhmuhslah in Bible?

• Kain in akucl fuhkah ma kuht kuh in sang ke Bible nahtuhsr sifacna uh?

• Efuh kuh in sifwilpac nuhnkuh arlacna yohk srihpac ke kuht lutlutkihn Kahs luhn God?

• Meac kuht enenuh in oruh ke ma kuht lotwelah uh?