Ahkwoye Inkacnek In Luti Lasr Uh​—Suhmuhslah Lwacta Wo

EFUH YOHK SRIHPAC: Puk luhn Corinth se meet pa sie sin lwacta 14 ma sihmihsyucklac sel mwet sap Paul in sang ahkkweye mwet Christian wiyacl uh. Ke pacl se sie mwet el sihmihs lwacta se lal, el eis pacl lal in sulaclah in wo kahs ma el ac orekmakihn uh, lwacta sacn in muh kuh in sifwilpac ritiyuck kahlwem sin mwet se la lwacta sacn. Lwacta uh pa sie inkacnek wo in sang ma loh nuh sin mwet in sucu lasr ac mwet suc kuht etuh. Oacyacpac pa inge inkacnek wo in sang ma loh nuh sin mwet suc kuht tiac kuh in sramsram nuh se. Ke sie mwe puhpuhlyuck, oasr sie mwet suc luhngse in lohng tuhsruhktuh arlac upac in konwaclwack in lohm sel an. Kuhtuh sin mwet ke territory uh upac in sonolos ke srihpen elos muhta in lohm ma fuhlwact ac upac karihngihnyac, acn ma oasr kalkal kac, kuh acn ma oan srenglah. Meac kuhtuh ma ma enenuh in esamyuck, yohkna ke kuht sihm nuh sin sie mwet suc kuht tiac etuh?

OREK FUHKAH:

• Fahklah ma kom luhngse in fahk an oacna ke kom sramsram nuh sin mwet sacn. Tuhkahkihn kom sifacna ke muhtwacwaciyen lwacta sacn, ac ahkkahlwemye in kahlwem lah, efuh kom sihmihs lwacta sacn. Kom kuh in siyuck sie kihsen siyuck an nuh sin mwet sacn elan nuhnkuh kac, ac ahkkahlwemye nuh sel ke website lasr uh. Ac ahkkahlwemye nuh sel ke oakwuck in lutlut Bible ke online, ahkkahlwemye ke oakwuck in lutlut Bible ke lohm sel an, kuh ahkkahlwemye ke kuhtuh sifac ke sapta ke sie mwe rit ma kuht orekmakihn in lutlut. Mwe rit, oacna contact card, mwe solsol, kuh mwe rit srihsrihk kuh in wi ke lwacta sacn

• Oruh in fototo. Lwacta lom an enenuh in tiac arlacna loes, tuh mwet se suc ac riti ma inge ac tiac ullac in riti.​—Liye mwe srihkasrak ke sie lwacta

• Ahkwoye fin oasr tahfonglac, ac oruh lwacta sacn in nwacsnwacs ac kahlwem in ritiyuck. Oruh in wo kahs kac an, oasr kalmeyac, ac oruh in ma wo pa kom sruhmuhn kac an. Sang postage ma fal nuh kac