Mwe Puhpuhlyuck se ke Mwet Samaria se suc Kuhlwacng

10:25-37

Jesus el sruhmuhn ke mwe puhpuhlyuck se inge in sang tohpohklah kihsen siyuck se inge, “Suc mwet tuhlan luhk uh?” (Lk. 10:25-29) El etuh lah congregation luhn mwet Christian uh ac fah oreklac ke kain in “mwet nuhkewa,” wekuhnacng mwet Samaria ac mwet suc tiac mwet Jew. (Jn. 12:32) Mwe puhpuhlyuck se inge luti mwet sap lal ah lah, eltahl enenuh in kwacfeacng na pwacye in ahkkahlwemye luhngse nuh sin mwet sahyac, finne nuh sin mwet suc siena luhkeltahl.

SIYUCK SUM SIFACNA:

• ‘Meac puhlakihn luhk ke mukul lili ac muhtwacn lili suc tuhkuh ke muhtuhnfacl sahyac ma siena facsin lalos uh?’

• ‘Yac nga orekmakihn pacl luhk in asruoki nuh yurin mwet suc nuhnak ac ma luhngse lalos uh oacna ma nga luhngse uh?’

• ‘Yac nga kuh in ahkkahlwemye luhngse yohk ke nga kwacfeacng in etuh mwet lili suc tuhkuh ke muhtuhnfacl sahyac ma siena facsin lalos uh?’ (II Cor. 6:13)

Suc nga kuh in suli in . . .

• wiyuc ke orekma in luti uh?

• tuhkuh nuhke lohm sihk uh in wi mongo?

• wi ke lutlut se tok luhn sucu luhk uh ke Bible?