Fuhkah in Sang Top Wo

Top wo uh ahkkweye congregation uh. (Rom. 14:19) Ma inge ahkkweye pac mwet suc sang top nuh kac uh. (Soa. 15:23, 28) Pwacnacng, kuht enenuh in sang top finne pacl se na ke kais sie miting. Ahok, kuht tiac kuh in pahngonyuck ke pacl nuhkewa ma kuht kohlwack pahosr uh. Ke ma inge, arlacna wo kuht fin ahkolah ke top pucspucs lasr uh.

Sie top wo pa . . .

• in fihsracsr, kahlwem, ac fototo. Inkaiyen pacl uh, ma inge kuh in orek ke sackuhn 30 kuh fototo liki

• in ahkkahlwemyeyuck ke kahs lom sifacna

• in tiac sifwil kalweni top ma fwacklac tari

Fin pahngohnyuck kom meet, . . .

• sang sie top fihsracsr an, ac tohpohklah suwohs kihsen siyuck sacn

Fin kihsen siyuck se topukyucklac tari, kom kuh in . . .

• ahkkahlwemye lah fuhkah sie ma suhmuhslah el kuhpahsr nuh ke mwe lutlut sacn

• sruhmuhn lah fuhkah ma inge kuh in kahsruh moul lasr uh

• ahkuhtweyac lah fuhkah mwe lutlut sacn kuh in orekmakihnyuck

• sruhmuhn ke kahs fototo sie experience ma ahkkahlwemye ke sie mwe lutlut yohk