Kunohkohn Lasr in Muhsahi ac Karihngihn Lohm in Toeni Lasr uh

Ke mwet Israel ah muhsahi tempuhl luhn Jeova uh, yohk orekma ac mani ma som nuh kac. Tuhsruhktuh, mwet Israel ah moniyuck in kahsruh orekma se inge. (I Chr. 29:2-9; II Chr. 6:7, 8) Tukun ahksahfyeyucklac tempuhl uh, karihngihnyac sin mwet Israel inge ahkkahlwemye ohiyac wo kuh kuluk laltahl uh. (II Tok. 22:3-6; II Chr. 28:24; 29:3) Mihsenge, mwet Christian uh sang pacl yohk ac kwacfeacng in muhsahi, ahknwacsnwacsye ac karihngihn in wo Lohm in Toeni laltahl inge. Sie ma na sacohk in orekma yurin Jeova ke inkacnek se inge ac ma inge kuhpahsr pac nuh ke kunohkohn sacohk lasr uh.​—Psa. 127:1; Fwack. 7:15.

KUHT KUH IN SANG KAHSRUH KE KUHT:

• Wi ahknwacsnwacs tukun toeni nuhkewa. Fin tiac kuh, oracni kuhtuh srihsrihk ke acn kom muhta we an.

• Wi ke pacl ma oakiyucki nuh ke ahknwacsnwacs ac karihngihnyen Lohm in Toeni uh. Ke puhs mwet wi kahsruh uh, orekma inge pwacr ac muhlahlah.​—lv par. 18, sra 92-93.

• Sang kahsruh ke mani. Finne “luo ipin mani srihsrihk, suhnuhn na cent sruhsrah se” tuhsruhktuh ma tuhkuh ke insiacsr, ma inge arlacna ahkenganye insiacn Jeova.​—Mk. 12:41-44.

• Orekmakihn pacl ac kuh lasr in kahsruh muhsahi ac ahksasucye lohm pucspucs ma orekmakihnyuck nuh ke alu lasr nuh sin God uh, fin kuh. Tiac enenuh sie mwet in suhmaht ke kamtuh uh tuhfah el wi kac.