“Kuht Moul Ke Ma Kuht Luhlahlfongi, Tiac Ke Ma Kuht Liye”
Kihtin pacl na meet liki sruhoh ac kuhnanuclac luhn acn Jerusalem, mwet sap Paul el suhmuhslah ac fahk lah in oacna mwet mweun oaru luhn Christ, mwet Christian uh enenuh in etuh lah eltahl ac fah sun ma upac ac eltahl in tiac nuhnkuh ke ma luhngse laltahl kuh ke mwe insewowo laltahl uh meet. (Luo Timothy 2:3, 4) Ke ma upac yohk ma ac fah sun facl kuluk se inge, kuht enenuh in ahkkweye luhlahlfongi lasr tuh kuht in fototo nuh sin God ke pacl nuhkewa. (Luo Corinth 4:18; 5:7) Liye video se inge ‘Walk by Faith, Not by Sight.’ (Som nuh ke jw.org ac liye ye PUBLICATIONS > VIDEOS.) Lohacng nuh kac lah mwe kahsruhp luhn facluh eklac mwe sruhf upac se nuh sel Naham ac Abital ke inkacnek fuhkah. Tukun ma inge, kalweni kuhtuh kihsen siyuck tok inge.
(1) Meac “mwe sruhngacyuck luhlahp ma . . . tulokyak in acn muhtahl” ke pacl luhn mwet sap ah? Ac meac sulaclah na yohk srihpac se ma mwet Christian fin acn Jerusalem ah enenuh in oruh? (Matthew 24:15, 16) (2) Efuh kuh mwet suc kahinglac liki siti inge enenuh luhlahlfongi? (3) Meac eltahl enenuh in fuhleack tuhfah eltahl kahinglac? (4) Efuh kuh Naham ac Abital pahtlac in kahinglac? (Matthew 24:17, 18) (5) Mwe sruhf fuhkah se Rachel el sun ke pacl se el ac som liki acn Jerusalem? (Matthew 10:34-37; Mark 10:29, 30) (6) Ethan el oakiyac fuhkah mwe srihkasrak na wo se ke luhlahlfongi lal nuh sin Jeova? (7) Ma upac fuhkah mwet Christian ac puhla fin acn Pella? (8) Fuhkah luhlahlfongi lal Naham ac Abital kais kuhtuh na muhnahslah? (9) Jeova el karuhnguhnwacng fuhkah mwet Christian ma muhta fin acn Pella inge? (Matthew 6:33; Sie Timothy 6:6-8) (10) Kuht ac etahel Abraham ac Sarah fuhkah ke kuht sun ma upac pucspucs ke sahflahiyen oakwuck se inge? (Hebrew 11:8-10) (11) Meac Naham ac Abital eltahl nuhnkuh nuh seltahl sifacna pwacnacng eltahl fohlohklac nuh Jerusalem? Ac efuh kuh nuhnak laltahl uh arlacna tahfonglac? (Luke 21:21) (12) Fuhkah na pwacye moul fin acn Jerusalem ke pacl se ma Naham ac Abital fohlohk nuh we ah? (13) Efuh kuh kuht enenuh in ahkkweye luhlahlfongi lasr uh ke pacl inge kuh meet liki sahflah oakwuck kuluk se inge?—Luke 17:31, 32; 21:34-36.
Kuht ahkkahlwemye lah kuht moulkihn ma kuht luhlahlfongi ke pacl se kuht (1) luhlahlfongi ke kolyuck luhn Jeova, (2) lwelah elan kol kuht ac kahsre kuht, ac (3) ahkkahlwemye lah kuht ahksacohkye fototo lasr nuh sin God yohk liki mwe kahsruhp luhn facluh. Lwelah kuht in kwacfeacng in moulkihn ma kuht luhlahlfongi uh, ke kuht luhlahlfongi lah “facluh ac ma nuhkewa loac ma mwet uh mwel uh muhtwacwacack in wacngihnlac; a el suc oruh ma luhngse luhn God fah moul ma pahtpaht.”—Sie John 2:17.