Ahkkapye Ohiyen Forfor Lasr ke Kuht Ahkpahye Mwet Lili Sasuc
Efuh Yohk Srihpac: Mwet tuhma lutlut sasuc nuhkewa lal Jesus uh enenuh in ahkos “ma nuhkewa” el sapkihn, ac ma inge wekuhnacng in luti ma pwacye nuh sin mwet sahyac. (Matthew 28:19, 20) Puhs mwet sasuc ma fal tari in wi ke Lutlut in Oruh Ma Luhngse luhn Jeova ac sahp eltahl sang ma loh tari nuh sin sucu kuh kawuck laltahl. Tuhsruhktuh, ke srui laltahl ke ma eltahl lotwelah uh yohkyohkwelihk ac ke eltahl etwaclah lah ma luhngse luhn Jeova nuh sin mwet nuhkewa pa in lohng pweng wo uh, eltahl ac kuh in ahkkahlwemye kena laltahl in wi ke orekma in luti uh. (Rome 10:13, 14) Tukun mwet sasuc inge fal tari elan kuh in wi forfor oacna sie mwet lili suc soenna bacptais, ituckyang mwe ahkpah wowo nuh seltahl in kahsreltahl in pahlah kac ke eltahl oruh step na yohk srihpac se inge ke kapkapack laltahl uh.—Luke 6:40.
Orek Fuhkah:
• Kahsruh mwet lili sasuc sac in eis mwe rit nuhkewa ma el ac enenuh nuh ke orekma in luti uh. Ahkkahlwemye nuh sel lah kom nwacklah ac tahkuhnlah fuhkah mwe rit nuhkewa ke bag in forfor lom uh. Oacyacpac, ahkuhtweyac srihpen kais sie mwe rit ma kom us an.
• Tuhkweni sulaclah sie mwe srihkasrak ke mwe sramsram ma tuhkuh ke Orekma Luhn Tohkohsrahi Lasr uh ac oruh mwe ahkpah kac. Ahkkweye mwet sasuc sacn in oruh mwe luhmah inge ke kahs lal sifacna. Oruh sie mwe luhmah ma ac fal nuh ke acn in forfor lom an ma tuhkuh ke puk inge Ministry School, sra 82. Kwacfeacng in ahkkahlwemye yohk srihpaciyen nuknuk ac nahweyuck ma wo ac fal.—Luo Corinth 6:3, 4.
• Sang mwe ahkpah ma ac kahsreltahl in tahfwelah na kapkapack. Ahkkahlwemye nuh sin mwet forfor sasuc sacn atacn macp nuh ke acn in forfor uh, ac lotel in orekmakihn house-to house record in suhmuhslah ac akihlenyac lohm, mwet, ac mwe rit ma orekmakihnyuck. Luhmahlah nuh sel elan sihmihs mwet ma luhngse lohng uh. Lotel in orekmakihn jw.org ac puk srihsrihk se inge Good News for People of All Nations ke orekma in luti lal uh. Kahsrel elan ahkyohkye luhngse luhn mwet suc pwacr in lohng inge.—Sie Corinth 3:6.
• Mongfihsracsr ac sang kahs in kaksak. (Soakas 25:11, BMK) Oakiyac mwe srihkasrak wo. Ke kom moniyuck ac ahkkahlwemye lah kom nuhnkuh ke mwet sahyac, ma inge ac kahsruh mwet sacn ke lusen yac pucspucs tohkoh uh.
Srihke ke Mahlwem Inge:
• Kom fin lutlut Bible nuh sin sie mwet ma tuhfahna weacng orekma in luti uh, weluhl ke orekma in forfor ke sie lohm nuh ke sie lohm ac usacl nuh yurin mwet suc kom enenuh in sifwil fohlohk nuh yohroh kuh mwet sahyac ma kom lutlut Bible nuh se. Fin wacngihn mwet lutlut lom, siyuck sin sie mwet lili suc srackna sasuc kuh suhpah ke orekma in luti uh elan wi kom.