Kom in Wo Liki Partner Mihs se
1. Kuht kuh in etahwi mwet sap Paul fuhkah ke kuht wi mwet sahyac ke forfor uh?
1 Mwet sap Paul el liye muh pacl lal inmahsrlon mwet lili ke luhlahlfongi el sie pacl in ahkweye sie sin sie. (Rome 1:12) Ke kom wi sie mwet lili ke orekma in forfor, yac kom orekmakihn pacl inge oacna pacl wo in ahkweyacl ac kahsrel? Kom te sruhmuhn nuh sel lah meac kahsre kom in sie mwet forfor wo, liki na in partner mihs se.
2. Piyac kuhtuh pac inkacnek kuht kuh in kahsruh partner in forfor lasr uh in puhlaik, ac efuh ma inge yohk srihpac?
2 Kahsrel in Puhlaik: Kuhtuh mwet forfor puhla muh elos suhfal, suc sahp kahlwem ke ngetnget kuh sramsram lalos. Kuht kuh in kahsrelos in puhlaik ke kuht fwahk kahs in kaksak nuh selos. Piyac pac kuhtuh inkacnek sahyac ma kuh in kahsrel in puhlaik? Sie mwet liyacng suc fuhfahsryacsr nuh ke congregation pucspucs el sukohsohk in fwahk nuh sin partner se lal ke tuhfal lal ac inkacnek in puhruhe lal in kuhtanglah ma el puhla inge. Sie pac mukul lili el fwahk ke el ahkkahlwemye ma kahsrel in puhlaik: “Muhtwacwacack ke sie isracsr in kuhlwacng. Kuhtuh pacl uh nga enenuh pacna in puhruhe siyuck kahsruh in oruh ma srihsrihk se inge.” Yac oasr ma kahsre kom in puhlaik ke orekma in forfor uh? Ahkkahlwemye nuh sin partner lom ke forfor.
3. Meac kuht kuh in sruhmuhn nuh sin partner lasr in kahsrel in mwet forfor wo se?
3 Ahkkahlwemye Inkacnek Lom: Oasr kahs in ikacslah kuh kihsen siyuck kom nuhnkeack, sahp ma sikyak ke acn sum, ma wo kom in orekmakihn in muhtwacwacack sramsram? Yac oasr ma wo tuhkuh ke kom sang kahs lom in weacng mwe srihkasrak ke mwe sramsram? Sruhmuhn nuh sin partner lom an. (Soakas 27:17) Ke komtacl kahsruhsr in som nuh yurin mwet muhtwacta lom, kom kuh in ahkkahlwemye nuh sel nien sun lom ke lutlut sacn ac lah meac kom ahko in oruh in sun. Tukun lutlut lowos yurin sie mwet lutlut, ahkuhtweyac lah efuh kom sulaclah in sramsramkihn kais kuhtuh ip, fuhs, kuh inkacnek in luti in kahsruh mwet lutlut lom.
4. Mwe meac kuht in suk in kahsruh mwet forfor wiyacsr?
4 Mwet forfor ke century se meet tiac suk in kahsruh mwet ma tiac wi ke luhlahlfongi uh muhkwena. Elos oacyacpac liye yohk srihpaciyac in ahkkweye ac ahkkuhye sie sin sie. (Orekma 11:23; 15:32) Mwet sap Paul el ahkpahyacl Timothy meet fwah el kwacfel in ahkkahlwemye ma el lotelah nuh sin mwet sahyac. (2 Timothy 2:2) Ke kuht tiac muhlkuhnlah in oruh ma wo nuh sin mwet Kihristin wiyacsr ke pacl in forfor, kuht ahkyohkye engan ac kuh lalos ac oacyacpac ahkinsewowoye Pahpah tuhmasr inkuhsrao.—Hebrew 13:15, 16.