Orekmakihn Mwe Srihkasrak luhn Mwet Pahluh Oacna Jonah
1. Ohiyac wo fuhkah oasr lal Jonah?
1 Meac oasr in nuhnak lom ke pacl se kom nuhnkuh kacl Jonah? Sahp kuhtuh ac nuhnkuh kacl muh el sahngengtoht ac tiac nuhnkuh ke mwet uh. Tuhsruhktuh, el ahkkahlwemye na pwacye inse puhsisacl, puhlaik, ac el kihsackuhnlah moul lal sifwacna. Kuht kuh in ahkkahlwemye fuhkah “mwe srikasrak” ke ohiyac wo lal Jonah?—James 5:10.
2. Kuht kuh in ahkkahlwemye fuhkah inse puhsisacl oacna Jonah?
2 Inse Puhsisacl: Ke muhtwacwacack ah, Jonah el kahinglac liki acn in forfor lal ac som nuhke sie acn sahyac. Tiac mwe lut, mweyen mwet Assyria uh elos etweyuck na pwacye ke orekma suhlallacl lalos, ac Nineveh el pahngpahng siti luhn “akmas.” (Nahum 3:1-3) Fwinne ouinge, Jeova el sang kai nuh sel Jonah, suc ahkkahlwemye inse puhsisacl ke el eis kunohkohn lal in sifwil fohlohk. (Soakas 24:32; Jonah 3:1-3) El fwinne kahinglac ke pacl se meet ah, el oruh na ma Jeova el luhngse. (Matthew 21:28-31) Yac kuht oacna el ke kuht sulaclah na in fahkwack pweng wo, fwinne kuht eis kai kuh acn in forfor lasr acn upac se?
3. Kain in pacl fuhkah ke pacl in forfor kuht enenuh in ahkkahlwemye puhlaik ac in kihsackuhnlah moul kuh ma lasr?
3 Puhlaik ac Kihsackihn Moul Lal Sifwacna: Ke Jonah el etacuk lah sulaclah koluk lal oruh moul luhn mwet fin oak sac in oasr ke mwe sensen, el fuhleack moul lal nuh selos. (Jonah 1:3, 4, 12) Tok, ke el ahkpwacyeye kunohkohn lal ke acn Nineveh, el som nuhke acn se ke siti sac suc inkaiyen mwet uh oasr kac, sahp el suk acn ma wo in fahkwack ke nuhnuhnkuh luhn Jeova. Ma el oruh ah tiac orekma luhn sie mwet sahngengtoht, tuhsruktuh orekma luhn sie mwet pahluh puhlaik luhn God! (Jonah 3:3, 4) Ac fuhkah nuh sesr ke pacl inge? Puhlaik sin God enenweyuck kuht in tiac sahngeng ke kuht sang ma loh ke pacl ma oasr ma lain kuht. (Orekma 4:29, 31) Kuht enenuh in kisachkuhnlah pacl ac ma lasr in oruh orekma in forfor.—Orekma 20:24.
4. Efuh kuh kuht enenuh in sang pacl yohk in nuhnkuh ke mwe srihkasrak wo luhn mwet pahluh luhn Jeova?
4 Kais sie pacl kom riti ke mwet pahluh luhn Jeova, ac wo nuh sum kom fwin petsacikomlac muh kom oasr in pacl lalos. Siyuck sum sifacna: “Meac ngac oruh fwin nga pa ngi? Nga kuh in ahkkahlwemye fuhkah ohiyac wowo lal in moul luhk?” (Hebrew 6:11, 12) Ke mwe lutlut luhn Orekma luhn Tohkohsrahi Lasr ke pacl fahsruh uh, ac sramsramkihn mwe lutlut yohk srihpac ma kuht kuh in lotelah sin mwet pahluh oaru sahyac luhn Jeova.