Kain in Mwe Lutlut Sasuh Pucspucs in Muhtwacwacack Lutlut Bible
1. Kain in mwe lutlut sasuh fuhkah oasr ke Watchtower ma nuh sin mwet pucspucs, ac ma inge oreklac fuhkah?
1 Muhtwacwacack ke January 1, 2011, oasr kain in mwe lutlut sasuh ke Watchtower ma nuh sin mwet pucspucs. Ma inge oreklac in kahsre kuht in muhtwacwacack lutlut Bible. Sifacn ma inge pa “Lutlut ke Kahs luhn God.” Wacngihn ahlohloh kac lah kuhtuh sin mwet ke acn in forfor lasr elos engankihn in rit kais sie mwe lutlut kac, ma inge oreklac in orekmakihn ke kuht sramsram nuh sin mwet in lohm uh.
2. Kain in ma fuhkah oasr ke mwe lutlut sasuh inge?
2 Meac fah weang nuhke kain in mwe lutlut sasuh inge?: Sifacn mwe lutlut ac sifac srihsrihk nuhkwewa sihmlah oacna kihsen siyuhk tuh kuht in siyuhk sin mwet in lohm uh ke kuht sramsram nuh selos. Sapta ac fuhs ke ma suhmuhslah oasr kac tuhsruhktuh koanon ma inge tiyac ahkkahlwemyeyuck. Ma inge orek tuh mwet in lohm uh elos kuh in engan in lutlut suwohs ke Kahs luhn God. Paragraph kac oreklac in fototo tuh kuht in kuh in sramsramkihn ke kuht oasr ke sruhnguhl lalos. Kais sie mwe lutlut ahkkahlwemye puk se inge Baibel el Luti in kahsre kom in tahfwaclah lutlut nuhke puk se inge fin fal.
3. Ke kuht som ke sie lohm nuhke sie lohm, kuht kuh in orekmakihn fuhkah mwe lutlut pucspucs ke magasin in muhtwacwacack lutlut Bible?
3 Kuht Kuh in Orekmakihn Fuhkah Ma Inge: Ke pacl se kuht kihtelah magasin, kom kuh in siyuhk kihsen siyuhk suc kuh in oruh mwet in lohm uh in nuhnkuh ke sifacn mwe lutlut suc yohk srihpac. Ke mwe puhpuhlyuhk, mwe lutlut luhn January 1, 2012 el ahkuhtwacye meac kuht lotela ke kahs pahluh in Bible. Sahp kom kuh in siyuhk: “Kom nuhnkuh muh kahs pahluh in Bible ahkpwacyeye ke pacl inge? [Loang ke mwe top.] Oasr ma se nga riti suc nga luhngse na pwacye ke sifac se inge.” Ahkkahlwemye kihsen siyuhk ahktolu, riti paragraph ac fuhs ma oasr kac. Sifil pac riti kihsen siyuhk, ac siyuhk sin mwet se inge in ahkkahlwemye top lal. Sramsramkihn luhpan mwe lutlut suc kuh in orekmakihnyuck, orekmakihn kihsen siyuhk suc oasr nacmpuh kac oacna inkacnek in sramsram ke mwe lutlut yohk. Met liki kom som, ahkkahlwemye kihsen siyuhk se toko ac orwaclah oakwuck wo in sifil fohlohk ac ahkuhtwacye ma inge. Kom in sifil fohlohk ac tahfwaclah sramsram ke kuhtuh pac mwe lutlut ke kais sie wik nuhke pacl se kom kuh in sang nuh sel magasin sasuh. Sie pac ohiyac pa in orekmakihn inkacnek suwohs in muhtwacwacack lutlut Bible nuh sin mwet. Ac kom kuh in orekmakihn mwe lutlut ke magasin in ahkkahlwemye ohiyen lutlut.
4. Kuht kuh in orekmakihn fuhkah kain in mwe lutlut sasuh pucspucs inge ke pacl kuht sifil fohlohk nuh yurin mwet?
4 Kom kuh in orekmakihn kain in mwe lutlut pucspucs inge ke inkacnek wo nuh sin mwet suc kom sang magasin pacl nuhkwewa ac kuhtuh pac mwet suc kom sifil muhtwacta nuh yohroh. Kom kuh in fahk ouinge: “Oasr sie mwe lutlut sasuh ke Watchtower se inge. Lwelah ngan ahhkahlwemye nuh sum lah fuhkah in orekmakihn ma inge.” Kuht puhruhe lah kain in mwe lutlut sasuh inge e fah kahsruh mwet pucspucs elos in “ku in etu ke ma pwaye.”—1 Timote 2:4.