Mwe Lutlut Se suc Kahsruh Orekma in Forfor Lasr uh
1. Srihpac fuhkah luo oasr ke mwe lutlut inge “A Conversation With a Neighbor”?
1 Ke kais kuhtuh pacl, The Watchtower nuh sin mwet nuhkewa el ahkkahlwemye mwe lutlut se inge “A Conversation With a Neighbor.” Ke pacl fahsruh uh, mwe lutlut se inge “A Conversation With a Neighbor” ac ahkkahlwemyeyuck lun The Watchtower luhn Micronesia. Oasr srihpac luo luhn mwe lutlut inge, pa in ahkkahlwemye mwe luti ke Bible ke sie inkacnek in puhrakack kena ac in ahkkahlwemye nuh sesr in ahkuhtweyac ke inkacnek wo ke kais kuhtuh sifac. (1 Peter 3:15) Fuhkah kuht kuh in orekmakihn wo mwe lutlut inge?
2. Kuht ac orekmakihn fuhkah mwe lutlut inge ke orekma in forfor lasr uh?
2 Orekmakihn ke Orekma in Forfor: Sahp kom srelah kuhtuh sin The Watchtower nuhtum ma oasr sie mwe rit luhn mwe lutlut inge kac. Fwin sie mwet in lohm, mwet suc luhngse in lohng, kuh mwet lutlut Bible se siyuck kuh fwahk kuhtwena ma ke sie ma suc sramsramkihnyuck ke sie sin mwe rit inge, sang sie nahtuhl ac siyuck el fwin luhngse in sramsramkihn. Fwin wacngihn nuhtum mackuhsin se ma mwe rit ingacn oasr kac, kom kuh in eis kuh download ke jw.org.
3. Fuhkah kuht kuh in orekmakihn sie mwe lutlut inge in sramsram nuh sin mwet in lohm uh?
3 Kom ac orekmakihn fuhkah mwe lutlut inge in sramsram nuh sin sie mwet? Kuhtuh siyuck sin mwet in lohm in lihksreni riti kahs luhn mwet tuhlan ac mwet forfor sacn riti kahs luhn Mwet Loh. Elos konacack lah in orekmakihn mwe luhmah se inge arlacna wo, mweyen ma inge sang pacl nuh sin mwet sacn in tuni ahkwoyac luhlahlfongi lasr uh ke sie inkacnek ma tiac oruh el in tuhpwek.—Deuteronomy 32:2.
4. Kuht ac orekmakihn fuhkah mwe lutlut inge in ahkpahye kuht?
4 Ahkpahye Kom ac Mwet Sahyac: Ke kom riti kais sie mwe lutlut inge, lohacng nuh ke fuhs, puhpuhlyuck, ac kahs in ahkuhtweyac nuhkewa. Akihlen kihsen mwe rit sacn. Na kom srihke oruh sie luhmah suc apkuhran nuh kac ke orekma in forfor lowos. (Soakas 1:5; 9:9) Sie muhtwacn lili el fwahk, “In orekmakihn mwe lutlut inge oacpacna in nga lutlut sin sie pioneer wiyuck suc arlacna pihsrlac ac etuh ma fwal el in fwahk pacl nuhkewa.”
5. Kuht ac kahsruh mwet lutlut Bible lasr uh fuhkah in ahkolah nuh ke orekma in forfor uh?
5 Kom kuh in oacyacpac orekmakihn mwe luhmah suc oreklac tari inge in kahsruh mwet lutlut lom in ahkolah nuh ke orekma in forfor uh. Tuhkweni riti koano an, ac lwelah mwet lutlut lom in oruh acn luhn mwet forfor. Ke inkacnek se inge, mwet lutlut Bible uh elos kuh in ahkpahyelos in ahkkahlwemye luhlahlfongi lalos ke sie inkacnek kahlwem ac wo. (Colossae 4:6) Pwacye lah mwe lutlut inge pa sie sin inkacnek pucspucs Jeova el orekmakihn in kahsre kuht “akfalye” ma kunacsr ke orekma in forfor lasr uh.—2 Timothy 4:5.