TOP NUH KE KIHSEN SIYUCK KE BIBLE

Yac kuh in wacngihnlac moul kwacoh fin facluh uh?

Ke kais sie yac, million sin mwet eltahl misac ke srihpen kwacoh yohk ac mas upac ma tuhkuh ke srihklac kuh suhfal mongo nwacltahl uh. Finne oasr muhtuhnfacl ma arlacna kahsruhp, srackna puhs mwet fin facluh ma muhta ke acn na kwacoh. Bible uh ahkkahlwemye lah fihl pucspucs sin mwet puhla moul suhkahsruhp se inge.​—Riti John 12:8.

Enenweyuck sie government in kol facluh nohfohn tuh in wacngihnlac moul suhkahsruhp ac kwacoh. Government se inge ac enenuh in kihte in fal mwe enenuh luhn mwet nuhkewa fin facluh nohfohn ac ahkwacngihnyelah mweun nuhkewa ma oruh oasr moul suhkahsruhp uh. God el wuhlelah nuh sesr ke kain in government se inge.​—Riti Daniel 2:44.

Suc ac kuh in ahkwacngihnyelah moul suhkahsruhp uh?

God el srihsrngilyac Jesus, Wen nahtuhl elan kol mwet nuhkewa. (Psalm 2:4-8) Jesus el ac fah molwelah mwet suhkahsruhp ac ahkwacngihnyelah mwe kalyei ac orekma suhlallacl.​—Riti Psalm 72:8, 12-14.

In oacna ma palyeyuck kacl Jesus, suc “Fihsrack luhn Mislac,” el pa ac oakiyac moul mislac tuh in wacngihn mwe sensen fin facluh. Na mwet nuhkewa fin facluh fah muhta ke lohm seltahl sifacna, engankihn orekma laltahl, ac fah puhkantwen mongo nwacltahl.​—Riti Isaiah 9:6, 7; 65:21-23.