TOP NUH KE KIHSEN SIYUCK KE BIBLE

Ac fah oasr pacl se facluh nohfohn kolyuck ke government sefanna?

Srihke nuhnkuh lah ma wo fuhkah sie government fin facluh ac kuh in use nuh sesr mwet uh. Mihsenge, puhs mwet kweok ke srihpen eltahl arlacna kwacoh, a mwet sahyac uh arlacna kahsruhp. Tuhsruhktuh, sie government fin facluh suc etuh mwe enenuh luhn mwet uh ac suk in sang ma nuhkewa ma mwet laltahl uh enenuh. Kom nuhnkuh tuh mwet uh kuh in oraclah kain in government se inge?​—Riti Jeremiah 10:23.

Ke lusen moul luhn mwet fin facluh uh, government luhn mwet uh tiac sun finsrak pucspucs laltahl in karihngihn mwet laltahl uh, yohk na mwet suhkahsruhp. Kuhtuh government inge arlacna suhlallacl. (Ecclesiastes 4:1; 8:9) Tuhsruhktuh, God Kuhlacna el wuhlelah muh el ac fah use sie government suc ac fah ahollah government nuhkewa sahyac. Mwet Kol ke government se inge ac fah karuhnguhnwacng wo mwet uh.​—Riti Isaiah 11:4; Daniel 2:44.

Meac Tohkohsrahi luhn God ac fah ahkpwacyeye?

Jeova God el sulaclah sie mwet suwohswohs in kol facluh, pa Jesus, suc Wen nahtuhl. (Luke 1:31-33) Ke el muhta fin facluh, Jesus el engan in kahsruh mwet uh. Ke el Tohkohsrahlac uh, el ac fah oracni mwet ke muhtuhnfacl nuhkewa in inse sefanna ac ahkwacngihnyelah mwe kweok nuhkewa luhn mwet uh.​—Riti Psalm 72:8, 12-14.

Yac mwet nuhkewa ac fah insese in Jesus pa Mwet Kol uh? Moh. Tuhsruhktuh Jeova el mongfihsracsr. (Luo Peter 3:9) El sang pacl nuh sin mwet uh tuh eltahl in sulacllah Jesus in pa Mwet Kol laltahl uh. Ke pacl na sa, Jesus el ac fah ahkwacngihnyelah mwet kuluk, ac fin facluh nohfohn ac fah oasr mislac ac moul wo suc wacngihn mwe sensen kac.​—Riti Micah 4:3, 4.