Sie Tulik Mutan Su Arlana Kulang a Lungse in Sang

KE KUTUPAL somla, oasr sie tulik mutan su oasr ke yea yuh matwe in an Brazil el safiya mani lal nu ke ip luo, sie pa tala 18 a tala 25. El filiye tala 18 nu ke pok in kasru ke Kingdom in sang kasru nu ke ma enenu lun congregation. A supwela tala 25 nu sin branch ofus lun Met Lo lun Jeova, wekunang sie leta. El akkalemye kas inge ke leta lal: “Nga lungse in sang me kasru inge in orekmakinyuk nu ke orekma in luti peng mwo fwin fwalu nufon. Nga lungse in kasru met lili puspus fwin fwalu ke orekma lalos in luti peng mwo. Nga sang ma inge nu sin Jeova meyen nga lungsel na paye.”

Papa a nine kiyen tulik mutan se inge elos lotel ke yok sripaiyen orekma lal sifwana in sang kasru nu ke orekma in sulkakin peng mwo lun Togusrai. Elos lotel pa ke ma eneneyuk in ‘akfulatye Jeova ke ma saok puspus lal.’ (Soakas 3:9) In oana ke tulik mutan srisrik se inge, lela kut nukewa in moniyuk in sang kasru nu ke orekma nukewa lun Togusrai, ke an sesr a fwin fwalu nufon!