Me Sramsram Matu Ak 2: Met Koluk Elos Keok Ke Isis In Hell
Piya mutaweyen me sramsram matu se inge? “Inmasrlon met lalmetmet nukewa lun an Grik, oasr sie met su oru met puspus in lulalfongi ke me luti ke Hell pa mokul se inge Plato.”—Histoire des enfers (Me Sramsram ke Hell), simusyukla sel Georges Minois, sra 50.
“Mutawauk ke infulwen century ak 2 AD met Kristian su oasr etauk lalos ke lalmetmet lun met Grik elos akkalemye pa nunak lun met lalmetmet puspus inge . . . Kain in etauk su elos lungse pa me luti se inge pangpang Platonism [kalme pa me luti lal Plato].”—The New Encyclopædia Britannica (1988), Volume 25, sra 890.
“Me luti lun Surs sang me akpayeye la oasr hell a ma inge on ma patpat. Tia pat tokin mise ngunin met nukewa su oru ma koluk som nu ke hell, su elos akkeokye ke me kai lun hell, a ‘isis ma patpat.’ Me kai lun hell pa srela ma patpat liki God.”—Catechism of the Catholic Church, 1994 edition, sra 270.
Mea Baibel el akkalemye ka? “Tu met moul etu tu elos fwa mise, a met mise tia etu kutena ma, . . . tu wangin orekma, ku ma kineuk, ku etauk, ku lalmetmet, in Hedis, yen kom som nu we.”—Ekklisiastis 9:5, 10, Revised Standard Version.
Kas Grik se inge Hedis, su kalmekin nu ke “an sin met mise,” el lungasyukla nu ke “hell” ke kutu leng lun Baibel. Mea fus se inge el akkalemye ke ma sikyak nu sin met mise? Ya elos keok in Hedis tu elos in moli ma koluk lalos? Mo, meyen elos “tia etu kutena ma.” Pa inge sripe paenang met se inge in pal meeta Job, ke pal se el keok ke mas upa lal, el siyuk sin God: “Karunginyu in hell [Grik, Hedis].” (Job 14:13, Douay-Rheims Version) Paye la wangin na paye sripen me siyuk lal inge fwin Hedis el sie an in keok. Aok hell ku Hedis, in fwal nu ke ma Baibel el akkalemye, el kalmekin nu ke inkulyuk lun metu, su wangin kutena orekma orek we.
Kalme se inge ke hell el mwo a fwal nu ke ma Simusla el akkalemye. Kain in orekma koluk fuka, fwinne arlana upa, ku in oru sie God lun lungse in akkeokye sie met nu tok ma patpat? (1 Jon 4:8) Tusruktu, fwin isis ke hell el sie sramsram matu, ya moul in kosrao el me sramsram matu pa?
Srike liye fus nukewa inge ke Baibel: Sam 146:3, 4; Orekma 2:25-27; Rom 6:7, 23
MA PAYE:
God el tia kai a akkeokye metu in hell
[Picture on page 5]
[Picture Credit Line on page 5]
Barrators—Giampolo/The Doré Illustrations For Dante’s Divine Comedy/Dover Publications Inc.