4 Sisla Nunak in Alolo lom a Suk ke Me Top Nukewa Ka

“O kom su lulalfongi ma srisrik, efu kom ku alolo?”​—Mattu 14:31.

MEA MA UPA KA? Met tuma lutlut lun Jisus ke kutu pal elos pulakin pa nunak in alolo. (Mattu 14:30; Luk 24:36-39; Jon 20:24, 25) Aok, Baibel el akkalemye la oiyen selulalfongi el oana “ma koluk su apkuran in kuliskuti.” (Hibru 12:1) Met sap Poul el simusla: “Tia met e nukewa lulalfongi.” (2 Tessalonika 3:2) Tia kalme pa wangin lulalfongi yurin kutu met. Tusruktu, kalmeye pa metu tia kafweang in eis fwako lun lulalfongi. God el akinsemwomwoyelos su kafweang in suk a eis ma inge.

FUKA KOM KU IN KUTANGLA MA UPA INGE? Akkalemye ma nukewa su paenang kom in alolo. Ke me pupulyuk, Tomas su sie sin sie met tuma lutlut el akkalemye nunak in alolo ku tia lulalfongi lal nu ke sifwil moulyak lal Jisus, ke pal se met tuma lutlut wiyel fwakak la elos sifwilpa liyel Jisus. Tusruktu Tomas el lungse in liye me akpayeye nu ka. A mea sikyak? Jisus el sifwana akpayeye nu sel ke ma el lungse in liye in sang akpayeye lulalfongi paye lal.​—Jon 20:24-29.

Ke me kasru lun Baibel, Jeova God el orala me top puspus nu ke me enenu lasr in kasre kut eisla kutena nunak in alolo ku selulalfongi lasr. Ke me pupulyuk, pukanten met su wanginla lulalfongi lalos nu sin God ke sripen elos sis ma koluk nu sel ke meun, orekma sulallel, a kutena kain in akwuk nu ke me ongoiye su sikyak nu sin metu. Mea Baibel el luti na paye ke ma inge?

God el tia oru kolyuk lal ke inkanek lun guferment nukewa lun metu. Jisus el akkalemye ke ngun se su tia ku in liyeyuk pangpang Setan la el pa “leum lun fwalu.” (Jon 14:30) Setan el tu srifwel Jisus in sang ku a mwolana nukewa lun guferment ku togusrai lun fwalu nufon nu sel fwin el alu nu sel, fwakak ouinge: “Nga fwa sot mwal inge nukewa nu sum, a mwolana lalos, tu ma inge etuku nu sik tari, a nga sang nu sin kutena su nga lungsik.” Jisus el tia lain ku a mwolana inge nukewa lun guferment la Setan pa met kol a leum ka. Tusruktu, pa inge ma El akkalemye: “Ma simusla, ‘Kom fwa alu nu sin Jeova God lom, a kulansap nu sel mukena.’” (Luk 4:5-8) Setan a akwuk lun guferment pa oru me akkeok nukewa lun fwalu, a tia akwuk ku lungse lun God.​—Fwakyuk 12:9, 12.

Tia pat Jeova God el fwa akwanginyela me keok nukewa. El oakiye tari guferment ku togusrai lal, ye kolyuk lun Wen natul, Jisus Kraist, in kol metu. (Mattu 6:9, 10; 1 Korint 15:20-28) In akpayeye kas palu lun Baibel, peng mwo ke togusrai el inge sulkakinyukelik fwin fwalu nufon. (Mattu 24:14) Tia pat Togusrai se inge fwa kunausla me lain nukewa ka a fwa kunausla pa me akkeok nukewa lun metu.​—Daniel 2:44; Mattu 25:31-33, 46; Fwakyuk 21:3, 4.

MEA ME INSEMWOMWO KA? Met nukewa su oasr nunak in alolo ku selulalfongi yuru elos lumeyuk oana “ke eng in lutlut nukewa ke sruf lun met.” (Efesus 4:14; 2 Piter 2:1) A nu sin kutu met, in oana elos su koneak me kasru mwomwo nu ke kusensiyuk lalos ku in eis me kasru yok nu selos in “tu ku in lulalfongi” lalos.​—1 Korint 16:13.

Met Lo lun Jeova, su orala me rid se inge, arlana engan in kasre kom in koneak me top nu ke kusensiyuk nukewa su oru kom in oasr alolo nu ke oiyen lulalfongi lom. Elos insemwomwo a arlana engan in wi kom a in lela nu sum sifwana in liye a long ke oiyen luti lalos. Kom fwin engan a inse mulala nu ka efwa oasr me akkeye yok ke lulalfongi lom ke God.

Ke kutu pa me akuteye, srike liye sapta 8, ke buk se inge Mea Baibel el Luti Na Paye?a ke sifwe inge “Mea Se Inge Togusrai lun God?,” a sapta 11, ke sifwe se inge “Efu Ku God El Lela Me Keok?,” ke kas English.

[Footnote]

[Picture on page 9]

Met nukewa su koneak me top mwomwo nu ke kusensiyuk puspus lalos oasr pelung fukoko ke lulalfongi lalos