Ya Kom Etu Papa Tumom in Kosrao?

YA KOM etu na paye papa tumom? Saap kom e fwa lut ke kusensiyuk inge yokna fwin kom kapak matu ke sie sou su met nukewa elos kulang. ‘Aok Nga etel na paye!’ saap pa inge me top lom nu ka. Aok, met puspus elos etu la piya ma papa tumalos srunga a lungse, la oiya fuka el fwa akkalemye nu ke kain in ma sikyak, a ke inkanek mwo su el sang me karungin nu sin sou lal.

Tusruktu, saap oasr pal puspus ke kom arulanu lut in liye la papa tumom el akkalemye oiya puspus su siena liki ma kom liye kel pal nukewa. Ke sie me pupulyuk, saap sie tulik mokul el etu papa tumal oana sie met su misla a fwokpap​—nu ke sie pal se oasr ma sikyak el siena liki meeta. Aok, ke pal inge, el liye papa tumal oana sie met su lungse a akola na paye in loangela sou lal.

Na fuka ke Met Orekutla, ya kom etel na paye? Kas lal el akkalemye ma inge kel: “Tu in el kut moul a mukuikui.” (Orekma 17:28) Kut sowemol nu sin God ke moul lasr; meyen el pa Papa nu sin met nukewa su moul. (Isaia 64:8) Saap pa inge nunak lom ke God, a kain in nunak inge e mwo a fwal. Tusruktu, sayen ma inge srakna oasr ma puspus kel su kut enenu in etu a in lotela​—in ase me insemwomwo a ma lane nu sesr.

Pulakin a nunak lom nu sin papa tumom a sunak lom nu sel el fwal nu ke etauk yok lom kel. Ke inkanek oapana inge, kom fwin etu na paye God, kom fwa engankin yok fototo mwomwo nu sel. God el ku in kasre kom in muteng ke ma upa puspus ke moul fwin yok etauk lom kel a lotela ma lungse lal.

God el kain in met fuka se? Fuka oiya mwomwo puspus lal el sang kasru nunak a pulakin lom nu sel? Fwin kom etel na paye, ya ma inge oru kom in akpayeye kunokon na mwomwo? Kom fwa ku in liye me top nu ke kusensiyuk nukewa inge ke me lutlut toko.

[Blurb on page 3]

Etauk yok lom ke met puspus saye ku in sang kasru nu ke nunak a pulakin lom nu selos