Oekyukla Oana Met Fwal In Kasreyuk nu ke Lufin Kof in Moul
“Tu Lam . . . el fwa seperd lalos, a el fwa kololos nu ke lufin kof in moul.”—FWAKYUK 7:17.
1. Fuka kas lun God el akkalemye ke met Kristian akmusrala, a kain in kunokon fuka Jisus el sang nu selos?
KAS LUN GOD el akkalemye ke met Kristian akmusrala su karungin ma nukewa lun Kraist fwin fwalu oana “met kulansap oaru a lalmetmet.” Ke pal se Kraist el tuni orekma lun “met kulansap” in yea 1918, el liye la met akmusrala nukewa in pal se inge fwin fwalu elos oaru in akola me mongo lun ngun “ke pal fwal.” Ke ma inge, tokin pal sa, Jisus su Leum, el insemwomwo in srusrngilosi “fwin ma nukewa lal.” (Ridi Mattu 24:45-47.) Ke inkanek inge, meet liki elos eis me usru lalos in kosrao, met akmusrala elos kulansap nu sin met puspus su alu pa nu sin Jeova fwin fwalu.
2. Akuteye ke ma puspus lun Jisus.
2 Oasr ku lun sie Leum ke ma nukewa lal, a el ku in orekmakunelos oana ke ma el sulela ka. Ma puspus lun Jisus Kraist, su Jeova el srusrngiye nu ka in oana Togusra, pa ma nukewa su kupasr nu ke Togusrai a met nukewa su oasr ye kolyuk lun Togusrai. Wekunang nu ka pa “sie u lulap” su met sap Jon el liye ke aruruma lal. Jon el akkalemye u lulap inge ke kas inge: “Liye! sie u lulap su wangin met ku in oekla, sin mutanfwal nu kemwa, a sin sruf nu kemwa, a fwil nu kemwa, a loa nu kemwa, elos tu ye mutun tron a ye mutun Lam, nukomang nuknuk fwasrfwasr, a pam on in paulos.”—Fwakyuk 7:9.
3, 4. Ke inkanek fuka met puspus su wi ke u lulap ku in akinsemwomwoyeyuk yok ka?
3 Met puspus su oasr ke u lun u lulap elos wi pa ke ma Jisus el fwak oana “sip ngie” lal. (Jon 10:16) Fwinsrak lalos pa in moul ma patpat ke sie paredais fwin fwalu. Elos lulalfongi la Jisus el “fwa kololos nu ke lufin kof in moul” a elos lulalfongi pa la “God el fwa ela sronin met nukewa liki mutalos.” Ke sripen me fwinsrak inge, elos “owo nuknuk lalos a akfwasrfwasrye in sran Lam.” (Fwakyuk 7:14, 17) Elos akkalemye lulalfongi lalos nu ke me kise lun Jisus, a ke sripe inge God el liyelos oana ke elos nukomang ‘nuknuk fwasrfwasr’ lalos. Elos oekyukla met sumwosmwos oana met kawuk lun God, in oana Ebream.
4 Sayen ma inge, ke sripen u lulap lun sip ngie su puseni elos liyeyuk sin God oana met sumwosmwos, oasr fwinsrak lalos in moliyukla ke pal in kunanela lun akwuk puspus inge ke len in ongoiye lulap. (Jemes 2:23-26) Elos ku in fototo nu sin Jeova, a in oana sie u, oasr fwinsrak mwomwo lalos in moulla liki Armagedun. (Jemes 4:8; Fwakyuk 7:15) Elos tia orekma oana u saye a elos lungse in kulansap ye kolyuk lun Togusra lalos in kosrao a nu sin met akmusrala wiyel su lula fwin fwalu.
5. Fuka met puspus su wi ke u lulap elos sang kasru nu sin met lili akmusrala lun Kraist?
5 Met Kristian akmusrala elos sun tari ma upa a fwa sifwil tafwela in eis me lain upa su tuku ke fwal lun Setan. Ne oinge, elos ku in lulalfongi ke me kasru lun u lulap su welulos. Ke pal inge pisen met Kristian akmusrala supuseni tari, pisen u lulap puseni ke yea nukewa ke foko foko tausan. Met akmusrala elos sifwana tia ku in liaung kais sie congregation lun met Kristian su oasr ke 100,000 fwin fwalu nufon. Ke ma inge, sie me kasru su met akmusrala elos eis sin sip ngie pa ke met puspus su fwal in oru orekma oana met elder elos kulansap nu ke congregation puspus. Elos sang kasru in karungin million puspus sin met Kristian su itukyang nu sin “met kulansap oaru a lalmetmet.”
6. Fuka me kasru lun sip ngie nu sin met akmusrala el palyeyuk tari?
6 Me kasru su sip ngie elos oru nu sin met Kristian akmusrala el palyeyuk tari sin met palu Isaia. El simusla: “Ou inge Jeova el fwak: ‘Orekma lun an Ijipt su tia eis me mol lalos, a met kuka lun Itiopia, a met Seba, met loeska, fwa tuku nu sum, a elos fwa ma lom. Elos fwa fwasr tukum.’” (Isaia 45:14, NW) Ke kas in pupulyuk, met Kristian su oasr fwinsrak in moul fwin fwalu ke pal inge elos fwasr tokin u lun met kulansap oaru a lun Governing Body, in akos kolyuk lalos. Oana “met orekma su tia eis me mol lalos,” sip ngie elos lungse na paye in orekmakin ku lalos a ma saok lalos in sang kasru orekma in luti fwin fwalu nufon su Kraist el sapkin nu sin met kulansap akmusrala lal fwin fwalu in oru.—Orekma 1:8; Fwakyuk 12:17.
7. Nu ke kunokon puspus fuka u lulap elos eis akpa ka?
7 Ke elos sang kasru nu sin met lili akmusrala wiyelos, met puspus sin u lulap elos eis me akpa sin met lula akmusrala oana pelung mwomwo nu ke u sasu lun metu su fwa moulla tokin Armagedun. Pelung se inge el fokoko a ku, a met nukewa su wi ka elos enenu in akkalemye la elos lungse na paye in akpayeye masap a kas in kolyuk lun Leum lalos. Kais sie met Kristian oasr pal mwomwo lalos in akkalemye la el ku in orekmakinyuk sin Jisus Kraist, su Togusra. Ke inkanek in akkalemye lulalfongi a in akkalemye oiyen oaru a paye ke pal inge, el akkalemye la el lungse na paye in akos masap nukewa lun Togusra su sapkinyuk nu sel ke akwuk sasu.
U Lulap Elos Akpayeye Lulalfongi Lalos
8, 9. Fuka met nukewa su wi ke u lulap elos akpayeye lulalfongi lalos?
8 Sip ngie su asrouki nu ke congregation lun met Kristian akmusrala elos akpayeye lulalfongi lalos ke inkanek puspus. Ma se meet, elos kasru met akmusrala in sulkakin peng mwo lun Togusrai lun God. (Mattu 24:14; 28:19, 20) Akluo, elos akkalemye inse pusisel lalos ke elos akos akwuk nukewa su orekla sin Governing Body.—Hibru 13:17; ridi Zekaraia 8:23.
9 Aktolu, met puspus su wi ke u lulap elos kasru met akmusrala wiyelos ke elos akfwalye moul lalos nu ke akwuk sumwosmwos lun Jeova. Elos kafweang in akkeye oiya mwomwo puspus inge lun “lungse, engun, misla, mongfusesr, kulang, inse mwo, oaru, fwokpap, sifwana leum fwom.” (Galetia 5:22, 23) Ke pal inge, orekma in akkalemye kain in oiya mwomwo puspus inge, a tia in akkalemye “orekma lun ikwe,” el tia pengpeng nu sin met puspus. Ne oinge, met su wi ke u lulap elos lungse na paye in tia oru “kosro, fokfok, sarnget, alu nu sin me srulela, sufwe, srunga, amei, lemta, koskusrok, kineuk, srisri, srukasrak kas, sok, srui, mwowon, a ma oinge.”—Galetia 5:19-21.
10. Mea met nukewa su wi ke u lulap elos sulela na paye in oru?
10 Ke sripen kut sesumwos, paenang upa nu sesr in akkalemye oiya mwomwo oana met Kristian, a in tia oru orekma lun ikwe, a in lain me akkoluk su tuku ke fwal lun Setan. Tusruktu, kut lungse na paye in tia lela me asor yok su tuku ke me munas lasr sifwana, orekma puspus lasr su tia kapkapek, ku munasla lun manosr su akmunasye lulalfongi lasr ku aksrikyela lungse lasr nu sin Jeova. Kut etu la Jeova el fwa akpayeye oana ma el mwulela tari ka—in molela u lulap liki ongoiye lulap.
11. Kain in inkanek puspus fuka Setan el orekmakin in sang akmunasye lulalfongi lun met Kristian?
11 Tusruktu, kut liaung a karungin kut pal nukewa meyen kut etu la met lokwalok paye lasr pa Devil, a el tia sa in fuleak. (Ridi 1 Piter 5:8.) El orekmakin tari met luti kikiap puspus a kutupa met in oru kut in lulalfongi mu me luti su kut orekmakin a lulalfongi ka el kikiap. Tusruktu, kain in oiya inge el tia kutangla ke pal nukewa. Ke inkanek oapana inge, fwinne kutupal me kalyai el tulokinya kutu srisrik inkanek in orekma in luti, tusruktu ma inge tia akmunasyelos a me kalyai su orek akkeye lulalfongi lun met puspus su kalyaiyuk. Ke ma inge, Setan el orekmakin yok inkanek se su el nunku mu arulana mwo in sang akmunasye lulalfongi lasr. El orekmakin nunak a pulakinyen asor lasr. Met Kristian in century se meet elos sensenkinyuk ka: “Tu komwos in nunku ke el [Kraist], su muteng in kalya lun met koluk.” Efu? “Tu komwos in tia totola a mulalla in ngunumwos.”—Hibru 12:3.
12. Fuka kas in kasru lun Baibel el akkeye met nukewa su munasla a pulakin me asor yok?
12 Ya kom nunku a pulakin tari mu kom apkurun in fuleak orekma in kulansap lom nu sin Jeova? Ya kom pulakin kutupal la kom tia ku in eis kutangla? Fwin aok, nikmet lela Setan in orekmakin kain in pulakin a nunak inge in kutongkomi ke kulansap lom nu sin Jeova. Oasr orekma mwomwo puspus oana in lutlutkin Baibel ke inkanek yok, pre su tuku ke inse, a in wi pal nukewa ke meeting a in asrouki nu sin met lili Kristian nukewa fwa akkeye kom a ku in kasre kom in tia ‘totola a mulalla in ngunumwos.’ Jeova el mwulela tari in kasru met nukewa su kulansap nu sel in sifwil akkeyelos, a kut ku in lulalfongi ke mwulela lal inge. (Ridi Isaia 40:30, 31.) Nunku akmwoye nu ke orekma nukewa lasr oana met Kristian. Fwasr liki in wi ke kutena orekma su eis pal yok, a loang akmwoye nu ke orekma in kasru met puspus. Ke ma inge kom fwa akkeyeyuk in muteng fwinne oasr me aktoasr a me akasor puspus.—Galetia 6:1, 2.
Moliyukla Liki Ongoiye Lulap Nu ke sie Fwal ku Akwuk Sasu
13. Kain in orekma fuka fwa orek sin met nukewa su fwa moulla liki Armagedun?
13 Tokin Armagedun, oasr u lulap lun met sesumwos su fwa akmoulyeyukyak enenu in lutiyuk ke inkanek lun Jeova. (Orekma 24:15) Elos enenu in lutlut ke me kise lun lango lun Kraist; sayen ma inge, elos enenu in lutiyuk in akkalemye lulalfongi ke me kise inge tu elos in ku in eis me insemwomwo puspus su tuku ka. Elos enenu in sisla ke nunak lalos me luti kikiap lun alu a in tia sifwil moulkin inkanek koluk lalos meeta. Elos enenu in lutlutkin in nukomang oiyen met sasu su akkalemyeyuk ke met Kristian paye. (Efesus 4:22-24; Kolosse 3:9, 10) Met nukewa su wi ke sip ngie su moulla liki Armagedun oasr orekma puspus lalos in oru. Paye la oasr me insemwomwo yok in oru orekma in kulansap nu sin Jeova ke pal sa, wanginla me akkoluk a me srifwe lun fwal koluk inge!
14, 15. Akuteye ke kain in sramsram su ku in sikyak in masrlon met nukewa su moulla liki ongoiye lulap a met nukewa su akmoulyeyukyak.
14 Met kulansap oaru nukewa lun Jeova su mise meet liki pal se su Jisus el oru orekma in luti lal fwin fwalu elos fwa lotela ma puspus in pal san. Elos fwa lotela kel Messaia su God el mwulela ka, su elos tupan ka tusruktu elos tia liyel. Ke pal se elos srakna moul, elos akkalemye tari lungse lalos in lutiyuk sin Jeova. Nunku ke me insemwomwo yok nu sin met kulansap oaru nukewa inge su akmoulyeyukyak tari in kasrelos, ke sie me pupulyuk, in akuteye nu sel Daniel ke akpayeyen kas palu nukewa su el simusla a el tia kalem ka!—Daniel 12:8, 9.
15 Aok, fwinne met puspus su akmoulyeyukyak oasr ma puspus su kut ku in luti nu selos, tusruktu oasr pa kusensiyuk puspus su kut fwa siyuk selos. Elos ku in akkalemye nu sesr ke ma puspus su sikyak su akkalemyeyuk in Baibel a wangin me akuteye puspus nu ka. Nunku ke lupan me insemwomwo yok in lotela ke ma puspus kel Jisus su ku in akkalemyeyuk nu sesr sin cousin se lal inge Jon Baptais! Ma puspus inge su kut lotela sin Met Lo oaru nukewa inge fwa kasre kut na paye in kalem yok ke Kas lun God yok liki na ke kalem lasr in pal inge. Met kulansap oaru puspus su mise tari—wekunang met puspus su wi ke u lulap su mise ke len safla—elos fwa eis sie “moulyuk mwo liki.” Elos mutamwauk in oru orekma in kulansap lalos nu sin Jeova ke sie fwal su on ye kolyuk lal Setan. Sie me insemwomwo yok nu selos in tafwela orekma in kulansap lalos ke sie oiya mwomwo a pal mwomwo ke akwuk sasu lun God!—Hibru 11:35; 1 Jon 5:19.
16. In fwal nu ke kas palu, fuka Len in Nununku e fwa orek?
16 Ke sie pal ke lusen Len in Nununku, oasr buk limlim puspus su fwa ikakla. In toeni nu ke Baibel, buk nukewa inge fwa sang pelung mwomwo in orekmakinyuk nu ke orekma in sang nununku met moul nukewa fwin elos fwal ku tia in eis moul ma patpat. (Ridi Fwakyuk 20:12, 13.) Ke saflaiyen Len in Nununku, oasr pal mwomwo lun kais sie met in akkalemye la el wi leyen su, fwin el fwa wi kolyuk sumwosmwos lun God in kosrao a fwalu, ku kolyuk lun met lokwalok lal. Ya el fwa akos akwuk lun Togusrai lun God a lela Lam in kolul nu ke “lufin kof in moul”? Ku el lain ma inge, a akkalemye srunga lal in akos akwuk lun Togusrai lun God? (Fwakyuk 7:17; Isaia 65:20) In pal sa, fwa oasr pal mwomwo lun met nukewa fwin fwalu in oru sulela lalos sifwana, su fwa wangin kutena me akfosye ke sripen ma koluk su kut usrui ku me akkoluk lun met koluk puspus. Wangin kutena met fwa ku in kusensiyukkin sumwosiyen nununku safla lun Jeova. Met koluk nukewa su srunga na paye in auliyuk fwa kunausyukla ku tula ma patpat.—Fwakyuk 20:14, 15.
17, 18. Met Kristian akmusrala a sip ngie nukewa elos insemwomwo in tupan ke ma puspus fuka fwa sikyak ke Len in Nununku?
17 Met Kristian akmusrala ke pal inge, su oekyukla tari in fwal in eis sie Togusrai, elos tupan ke pal fwasru ke elos fwa wi oru kolyuk ke lusen Len in Nununku. Arulana mwo kunokon su elos fwa eis! Me fwinsrak inge akkeyelos in orekmakin kas in kai su Piter el sang nu sin met lili wiyelos in century se meet: “Komwos in alken in akpayeye pang lomwos a sulela lomwos; tu komwos fwin oru ma inge, komwos koflanu tukulkul. Tu oinge a fwa asot in akpusye nu sumwos utyuk nu in togusrai kamwil lun Leum lasr a Met Lango Jisus Kraist.”—2 Piter 1:10, 11.
18 Sip ngie elos akkalemye pa insemwomwo lalos ke fwinsrak su oasr yurin met akmusrala nukewa wiyelos. Elos lungse na paye in kasrelos. Oana met kawuk lun God ke pal inge, elos akkeyeyuk in oru ke ku lalos kewa in oru orekma in kulansap nu sin God. Ke lusen Len in Nununku, elos arulana engan in akpayeye akwuk nukewa lun God ke inse kewa lalos ke pal se su Jisus el kololos nu ke lufin kof in moul. Tokin ma inge—ke saflaiye—elos fwa oekyukla oana met fwal in oana met kulansap lun Jeova fwin fwalu ma patpat a ma patpat!—Rom 8:20, 21; Fwakyuk 21:1-7.
Ya Kom Esam?
• Mea ma puspus lun Jisus?
• Fuka met puspus su wi ke u lulap elos sang kasru nu sin met akmusrala wiyelos?
• Kain in kunokon a fwinsrak fuka met puspus su wi ke u lulap elos engankin?
• Mea nunak lom nu ke Len in Nununku?
[Picture on page 25]
Met nukewa su wi ke u lulap elos owo nuknuk lalos a akfwasrfwasrye ma inge ke sran Lam
[Picture on page 27]
Mea kom lungse in lotela sin met kulansap oaru puspus su akmoulyeyukyak?