Ya God El Loang Nu Sum?

YA JEOVA, Met Orala Ma Nukewa, oasr ku lal in liye? Aok el ku! Meyen Baibel el akkalemye arlana kalem: “El su orala muta, el fwa tia liye?” (Sam 94:9) Ku lun Jeova in liye ma nukewa el mwo ke inkanek nukewa liki ku lun met in liye. Tia ke sripen el ku in liye luen met mukena tusruktu el ouyepa “srike inse,” a el ku in “srikeye inse.” (Soakas 17:3; 21:2) Aok, oasr ku lal in tuni nunak lasr, ma on ke insiesr, a ma lungse na paye lasr.

Jeova el etu ke ma upa puspus su kut ku in sun ke moul, a el sang me top nu ke me siyuk lasr. Met sim lun sam el simusla: “Mutun Jeova on nu sin met sumwosmwos, a srel ikasla nu ke pang lalos. Jeova el muta apkuran nu selos su inse musalla; a molelosla su toasr in ngun ke ma koluk lalos.” (Sam 34:15, 18) Sie me akkeye pa inge in etu la Jeova el kalem ke luma a ma sikyuk nu sesr a el sang me top nu ke me siyuk lasr su tuku ke insiesr!

Jeova God el etu orekma nukewa su orek fwinne in lukma. Aok, “ma nu kemwa koflufol a lemtulaiuk ye mutun el su kut fwa fwakak oiyesr nu sel.” (Hibru 4:13) Fwinne orekma nukewa lasr mwo ku koluk, ma inge nukewa liyeyuk sin God. (Soakas 15:3) Ke sie me pupulyuk, Genesis 6:8, 9 el akkalemye la “Noa el konoiyuk kulang ye mutun Jeova” a el “fwafwasryesr yurin God.” Aok, Noa el eis me insemwomwo a me akinsemwomwomwo lun Jeova meyen el akos a akkeye akwuk sumwosmwos nukewa lun Jeova. (Genesis 6:22) Ke inkanek saye, in len lal Noa metu elos sulallel a orekmakin oiyen moul koluk. God el tia nukin ma sikyuk inge nukewa. El “liye tu yok ma koluk lun met fwin fwalu a tu nunak lun insielos sitoena pal e nu kemwa.” Ke saflaiye, Jeova el kanausla met koluk tusruktu el karungin moul lal Noa a soul lal.​—Genesis 6:5; 7:23.

Ya Jeova el insemwomwo keim? Aok, mutun Jeova el “kasrot kasrmu alukela fwalu nufon, in fwakulak sifwana ku kalos su insielos sumwosna nu sel.” (2 Kronikel 16:9) Tia pat el e fwa sifwilpa eisla liki fwalu met koluk nukewa a molela met nukewa su fwokpap.​—Sam 37:10, 11.