Yok Sripe Na Paye Liki in Akkalemye ke Pulanpal

APKURUN mutanfwal nukewa in oasr soakas lalos ke pulanpal: Pukunyeng srusra ke fong, met kalkal in mwea insemwomwo ka; pukunyeng srusra ke lututang, met kalkal ke mwea sensen ka. Met puspus su pangpang meteorologists su lutlut ke pulanpal ke pal inge elos sang me top ku sripe mwomwo nu ka la efu ku oiyen pulanpal el ku in sikyak oana ke soakas inge el akkalemye.

In len lal Jisus, metu elos pala pa in lutlutkin pukunyeng a akkalemye kalmeyen aten ma inge. Jisus el fwak nu sin kutu met Ju: “Ke ekela, komwos fwak, ‘A fwa pal mwo; tu kosrao srusra,’ a ke lututang, ‘A fwa pal koluk misenge; tu kosrao srusra a suyuk.’ Komwos etu fuka in akilen mutun kosrao, a . . . ” A mea? Jisus el tafwela a fwak kas inge: “Komwos koflanu akilen me akul lun pal inge.”​—Mattu 16:2, 3.

Mea se inge “akul puspus lun pal u”? Ma inge pa me akul puspus su arlanu kalem la Jisus pa Messaia paye su God el supwema. Orekma nukewa lal el arlanu kalem a ku in akilenyuk na paye oana pukunyeng srusra. Tusruktu, pus sin met Ju elos pulesru akul puspus su akkalemyeyuk ka la Messaia el tuku tari​—sie ma sikyak su arlanu yok sripe liki pulanpal.

Oayepa, ke pal inge, oasr sie akul su yok sripe in kalem ka liki tun lun yen engyengu. Jisus el palye la fwal koluk se inge fwa aksafyeyukla a tokin ma inge sie fwalu sasu a mwo liki fwa ku in sikyak. El srumon ke ma puspus su tukeni sikyak su fwa akkalemye la ngea ekla se inge fwa sikyak. Wekunang ma inge pa meun a sral su sikyak fwin fwalu nufon. Jisus el fwak la ke pal se ma puspus inge sikyak ku liyeyuk, pal lun God in aksumwosye ma puspus el apkurun me.​—Mattu 24:3-21.

Ya kom liye “akul puspus lun pal u”?