Suk Sie Inkanek in Kalkal Mwo in Meoa
FWIN an Marshall Islands oasr tuka lulap a tuka srisrik su pus liki 1,200, su fulata oasr na ke fit ekasr na liki sea level ku fulat lun meoa. Sie met su kasrusr in meoa el tia ku in liye tuka puspus inge fwinne ma inge el oasr na ke an futoto in meoa. Tusruktu, met Marshall in pal meeta su fwufwasryesr pal nukewa ke oak in meoa elos ku in kasrusr ke oak okwelos nu ke sie tuka srisrik nu ke sie tuka srisrik, orekmakin navigation lalos in som nu ke an puspus inge su oasr ke 750,000 square miles kutu ke meoa lun Pacific Ocean. Fuka elos oru ma inge? Elos eis me kasru su orekmakinyuk ke inkanek fusrasr, a mwo, su orekmakinyuk oana “map puspus” a pangpang stick chart.
Ke inkanek lun experience, met Marshall su navigator elos lotela la sie an su oasr in meoa el ku in koneyukyak ke sripen pa inge oiyen mukuikui lun noa ke lusen mile 20 liki tuka se. Oasr oiya lun noa puspus su ku in lutlutkin, a oasr sie stick chart ku in orekmakinyuk oana me kasru nu ke me akesmakinyen akwuk inge. Stick chart el oana mea? El oana ma kom ku in liye ke petsa, ipin sak srisrik su tuku ke okan sak mweng ku noak ke sroanu su kapriyuki nu sie in orala sie ma su otwotla wasengseng in lumeyuk nu ke aoliyen mukuikui lun noa. Oasr fwul srisrik fuliyuki nu ka su akkalemye tuka su oasr in meoa in sang akilen kais sie an su oasr ke meoa inge.
Ke lusen yea puspus, kasrusr in meoa su orekmakin stick chart el sie ma lukma, a lutiyuk nu sin met sulosola mukena. Fuka sie met fwusr su kasrusr in meoa el ku in lotela in orekmakin sie chart stick? Ke inkanek in eis me akpa a orekmakin ma inge pal nukewa. Oasr navigator ku met su utuk oak kasrusr fwin meoa su oasr experience yok lal el luti met fwusr se su lungse in kasrusr in meoa, saap ke pal loeloes met fwusr se inge lungse welul som nu ke tuka puspus su oan apkurun. Ke pal se met fwusr inge su lutlut el lotela oiya puspus ke meoa, el lotela ke inkanek sumwos in orekmakin stick chart lal. Ke saflaiye, el sifwana ku in utuk oak kasrusr in meoa.
Ke inkanek oinge, ke Kas lun God, Baibel, ku in orekmakinyuk oana sie me kasru yok nu ke fwufwasryesr lasr ke oiyen moul. Ke mutamwauk, oasr sie met su ku in kasre kut in eis etauk yok ke sramtauk lun ma Simusla. A ke kut tafwela in lutlutkin Kas lun God a orekmakin akwuk sumwos nukewa su oasr ka, kut ku in lulalfongi yok ke ma su akkalemyeyuk. Mokul se inge Josua, met kol lun met Israel, el sapkinyuk in ridi kas lun God pal nukewa tu el fwa ku in “liaung in oru fwal nu ke ma nu kemwa su simla ka.” “Tokin ma inge,” God el fwak nu sel Josua, “na kom fwa oru inkanek lom in kapkapak, a na kom fwa oru orekma lom ke inkanek lalmetmet.” (Josua 1:8, NW) Aok, Baibel el ku in akkalemye nu sesr inkanek in moul su paye a oasr me insemwomwo ka.
[Petsa Credit Line ke sra 32]
© Greg Vaughn