Ya Kom Oana Sak Soko Inge Su Pangpang Lagani Auna?

KE SIE mura in an Ports Moresby, Papua New Guinea, met luo su luti peng mwo elos tari ke orekma in luti lalos a folokla nu in loom selos. Ke elos fwasr, elos liye sak kato soko. Sie selos su matu tari el fwak: “Ah, sak lagani auna” soko! El ngetla liye met su welul su fwusr lukel, a el fwak: “Inen sak soko inge su kalme pa ‘sak su fwareng ke yea nukemwa.’ Tia oana sie nu ke sak puspus ke an inge pangpang tropics, su ke kais sie yea sra ka putatla a el masla. Tusruktu, ke pal in af tuku, el sifwilpa kapak, fwarengla ros puspus, a sifwilpa akkalemye kato lal.”

Oasr me lutlut ku in lotela ke lagani auna, ku royal ponciana, pa inge sie e saye nu ke sak soko inge su eteyuk sin met puspus. In fwal nu sin met puspus su oasr lutlut yok ka, elos oekla sak soko inge oana soko sin sak limekosr su orala ros kato ka fwin fwalu. Fwinne tula ros a sran ma inge ke lusen pal su wangin af, sak soko inge el sruokye kof yok. Okan sak soko inge fukoko a ku in tilyang nu ke eot su oasr ke an loal. Ke inkanek inge el fukoko a ku in lain eng upa. Paye la, el kapak fwinne oasr ma upa puspus sikyuk.

Saap kom ku in koneak kesr sifwana ke ma puspus su sikyuk in srike la fuka lupan fukokoiyen lalalfongi lasr. Mea fwa kasre kut in muteng? Oana sak soko inge lagani auna, kut ku in eis a srukye kof in moul su tuku ke Kas lun God. Kut ku in sruokye pa ku nu ke ‘eot lasr,’ Jeova, wekunang u lal. (2 Samuel 22:3) Paye, sak soko inge lagani auna el sie me akesmakin mwomwo la fwinne ke an koluk, kut ku in sruokye fukoko a mwolana lasr ke ma lun ngun kut fwin orekmakin pal mwo in eis ke me kasru su Jeova el use nu sesr. In oru oinge, kut fwa “usrui ma mwolela” su el orala, wekunang mwolela nu ke moul ma patpat.​—Hibru 6:12; Fwakyuk 21:4.