Elos Sulkakin Peng Mwo Nu Sin Met Selongkas

“ELOS wis nu sumwos ma lun ngun!” Pa inge kas su met liaung ku director ke sie loom el fwak nu sin met matou in an Navalcarnero, Madrid, Spain, su el tufwana akkalemye ke orekma in muteta lun Met Lo lun Jeova nu ke loom sin met matou. Mea purakak insiel in fwak oinge?

Kutu sin met su muta ke Rosas del Camino su loom sin met matou selongkas elos muta we. Tusruktu, ke sripen Met Lo elos kaifweang in lotela Spanish Sign Language, paenang elos ku in sramsram nu sin met selongkas su muta in loom inge. Director ku met liaung loom elos kaksakin met Lo ke elos kisekin pal lalos ke wangin molo in luti me lutlut ke Baibel nu selos su enenu kasru yok in lotela ma inge. El liye ke me kasru mwomwo su tuku ke me luti lun peng mwo lun Togusrai el oru nu sin met su muta we. A wekunang met su muta we​—yokna nu selos su koflanu liye a long—​elos aksaokye na paye muteta lun Met Lo pal nukemwa.

Eulogio, sie sin met su muta we su kun a selongkas, el mutamwauk lutlut ke Baibel nu sin Met Lo lun Jeova in pal inge. Oasr sie len ke pal in lutlut lun Baibel orek, oasr sie met matou el som in akkalemye nu sin met Lo inge ke sie poem su orekla sin met su muta we in akkalemye kas in kaksak a kulo lalos. Sifwen poem sogo inge pa “To Be a Witness.” Kutu ma inge, akkalemye la: Met Lo elos moulkin sie moul mwo, oasr akwuk mwo nu ke moul lalos, a elos eis lalmetmet mwomwo su tuku sin Jeova. Elos muteta pal nukemwa nu ke loom nukemwa meyen elos lulalfongi Jeova.”

Lulalfongi lalos nu sin Jeova inge pa kol ku mokle met Lo puspus fwin fwalu nufon in lotela sign language nu sin met selongkas ke mutanfwal selos. Ke inkanek inge elos sulkakin nu sin kain in met inge kas in akkeye nu ke fwinsrak lun moul su koneyukyak in Baibel.