Insemwomwo in Lutlut Baibel Kaksakinyuk

MARIANNA, el sie sin Met Lo lun Jeova ke leyen epang lun an Italy, el yea 18 matwe a el oasr ke yea safla lal ke high school. El wi lutlut ke loom lutlut sepana inge su kutu sin met fwusr lun met Lo elos wi lutlut.

“Ke lusen kutu yea nu misenge,” Marianna el simusla a fwak, “kutu sesr muta oru rid koanon len ke Baibel su tuku ke Examining the Scriptures Daily ke pal in mongla lasr ke loom lutlut. Kut ku in koneak an sefwanna in oru rid ke text lasr ke niyen fwasrot fwasru lun tulik lutlut su apkuran nu ke room lun met luti. Tusruktu an inge tia arlana misla. Pus sin met luti elos liye kut ke elos fwasr aliki kut, a kutu selos tui in liye la mea kut oru inge. Pa inge sie pal mwo lasr su kut ku in topuk kusensiyuk lalos nu sesr. Inmasrlon met luti inge nukemwa oasr met luti se el ku in tui ke kais sie len. Kutu selos muta a long me sramsram lasr ke koanon len ke Baibel a elos kaksakin a akkalemye insemwomwo lalos nu ke akwuk su kut met Lo akkalemye nu ke ma lun ngun. Oasr sie len, assistant principal el suli kut in oru sramsram lasr ke room lun met luti.

“Tokin elos liye an se ma kut muta we a tuni koanon len, met luti luk el siyuk sin principal la kut ku in sramsramkin ma inge ke classroom, su oasr misla we liki an su kut oru meeting lasr we. Ke ma inge principal el lela, a met luti luk el kaksakin kut ye mutun tulik lutlut in class ke me srikasrak mwomwo su kut oakiye. Kut nukemwa arulanu engun ke kunokon mwomwo su Jeova el use nu sesr.”