“Kalyaiyuk ke Sripen Lalalfongi Lal”

MURA lun an Cernobbio ke northern Italy el orekla sie an in me esmakin nu ke sie local park in akesmakinye met su sun ongoiye su sumwos lal tia akilenyuk. Oasr sie plaque su akkalemye ke an in akesmakin kel Narciso Riet. El isusla in an Germany su papa a nine kiyel elos met Italy, Riet el ekla sie sin met Lo lun Jeova in yea 1930. Ke lusen kolyuk lal Hitler, Met Lo lun Jeova elos kalyaiyuk ke sripen elos srunga in akfulatyel Hitler yok liki God paye, Jeova.

Ke pal se Gestapo elos koneak la Riet el usla copy puspus lun Tauer In San nu in concentration camp, el kaengla nu Cernobbio. In an se inge oasr enenu nu sel in lungasla Tauer In San nu ke kas Italy a in kitela ma inge nu sin met su welul in lalalfongi su muta apkuran nu we. Orekma in kaifweang lal liyeyak ku kaksakinyuk. Oasr sie SS officer a met lal elos ilyuk nu in loom sel Riet, sruokilye, a eisla me akpayeye lun met koluk​—wi Baibel luo a kutu pa leta! Riet el utukla nu Germany, muta in prison in Dachau concentration camp, a anwuki el tia pat meet liki Meun Lulap II. El “kolyaiyuk ke lalalfongi lal,” plaque lun Cernobbio el akkalemye.

Lalalfongi lal Narciso Riet a foko foko lun Met Lo su kolyaiyuk sin Nazi elos sie me akkeye nu sin met Kristian nukemwa misenge in kaifweang na oaru lalos nu sin Jeova, su met Kristian nukemwa inge fwal in sang kaksak a oru alu lalos nu se. (Fwakyuk 4:11) Jisus el fwak: “Insemwomwo elos su kolyaiyuk ke ma sumwosmwos.” God el e fwa tia mulkunla orekma lalos a el fwa akinsemwomwoyelos ke oiyen pulaik lalos.​—Mattu 5:10; Hibru 6:10.