Fuka in Orekmakin Kais Sie Len Ke Inkanek Yok Sripe

“OINGE kom luti nu sesr pisen len lasr, tu kut fwa eis inse lalmetmet.” (Sam 90:12) Pa inge pre mwomwo lun met sim lun Baibel su pangpang Moses. Mea ma el siyuk ka? Ya kut enenu in siyuk sie me siyuk oinge pa?

In fus 10, Moses el akkalemye asor ke fototoiyen lusen moul lun met. Ke siepa ma sikyuk, el simusla ma Job el fwak: “Met, su isusla sin mutan, len pu lal a tingtinginu ke asor.” (Job 14:1) Kalem la Moses le etu na paye ke fototoiyen lusen moul lun met sesumwos. Ke ma inge, el nunku ke kais sie len lun moul oana sie me sang saok. In siyuk me siyuk inge nu sin God, Moses el akkalemye kena lal in moulkin len lula ke moul lal ke inkanek lalmetmet, ke sie inkanek su ku in akinsemwomwoye Met Orakutla. Ya kut tia suk in orekmakin pa kais sie len lun moul lasr ke inkanek mwomwo? Aok pa inge kaifweang paye lasr kut enenu in oru kut fwin lungse me insemwomwo lun God ke pal inge.

Oasr kutupa sripe su mokleak Moses a Job, sie sripe mwo su ku in mokle kut pa. Met kulansap lun God kemwana inge elos ngetak nu ke fwinsrak mwo ke pal fwasru​—moul fwin fwalu ye oiya mwomwo. (Job 14:14, 15; Hibru 11:26) Ke pal se inge, orekma mwomwo lun met fwa tia tui ku wanginla ke sripen mise. Met Orekutla el oakiye la met oaru nu kemwa fwa muta ma patpat ke sie paredais fwin fwalu. (Isaia 65:21-24; Fwakyuk 21:3, 4) Fwinsrak inge ku in ma lom pa fwin kom ‘oekla len nukemwa lom ke sie inkanek kom ku in eis inse lalmetmet ka.’