Pal in Mongo Yok Sripa Liki na in Mongo Mukena!

ET nukemwa elos engunkin sie mongo yuyu. Ke lusen pal in mongo, kom ku in engunkin pa sramsram mwo a asrouki mwo yurin met puspus su kom lungse, ma inge sie akwuk mwomwo su tia eisla masrinsral lasr mukena. Sou puspus elos oru in tukeni muta fwinne pal se ke len se in engunkin me mongo. Pal in mongo sang pal mwomwo nu sin sie sou in aketeye orekma puspus ku plan puspus ke len se. Papa a nine puspus su long me top a kas puspus lun tulik natulos elos kalem ke nunak a pulakin lun met fwusr nutalos. Tokin sie pal, asrouki mwomwo a insemwomwo su engunkinyuk ke pal in mongo musaiyuk inmasrlon sou nu ke inse misla, lalalfongi, a lungse su sang me akkeye ke akwuk lun sou.

Misenge, ke sripen pus sin met in sou elos kafofo a pukanten orekma pal nukemwa, upa nu selos in tukeni nu sie ke pal in mongo. In kutu an fwin fwalu, oiye ku fasin lalos kutongye sou in tukeni mongo a fwinne sramsram ke pal in mongo. Oiye lun kutu sou elos lungse in ikesla TV ke pal in mongo, ma inge eisla pal mwo lalos in our kutena sramsram mwo inmasrlon sou.

Tusruktu, papa a nine su met Kristian, elos akola pal nukemwa in akkeye sou lalos. (Soakas 24:27) In pal meeta, papa a nine elos sapkinyuk in eis sie pal mwo in sramsramkin kas lun God nu sin tulik natulos pa ‘ke elos muta in loom selos.’ (Duteronomi 6:7) Tukeni muta pal nukemwa ke pal in mongo sang pal mwo nu sin papa a nine in filiye nu sin tulik natulos lungse paye nu sin Jeova a ke akwuk sumwos lal. In akyokye engun a pal fwal a mwo, kom ku in oru pal in mongo sie pal in insemwomwo a pal su ku in sang me akkeye pa nu sin sou lom. Aok, oru pal in mongo in yok sripa liki na pal in mongo mukena!