Nunkela ke Ma Puspus

“Fwin ma nu kemwa su kut lungse wangin saflaiye, kena inge tia ku in akfwalyeyuk pal nu kemwa.”​—Pa inge report lun sie Worldwatch Institute.

“MEA kut lungse? Ma nu kemwa. Nge kut lungse in eis ma inge? Ingena.” Soakas se inge arulanu pengpeng inmasrlon kutu tulik lutlut ke college in yea 1960. Misenge, saap kas inge tia ku in sifwil longyuk, tusruktu nunak fukoko inge srakna oasr. Ke ma inge, in nunkela yok ke ma puspus pa inge sie akul ke pal lasr.

Nu sin met puspus, in eis me kasrup a ma puspus pa ma yok emeet ke moul lalos. President lun U.S. meet Jimmy Carter el fwak kas inge ke sie pal: “Metu tia na akkalemye ku akilenyuk ke inkanek lun ma el oru tusruktu ke inkanek lun ma oasr yurol.” Ya oasr ma yok sripe liki ma puspus lasr? Fwin oasr, mea ma inge, a ma lane fuka ma inge ku in use?