Sritel lun Tulik Yok Sripe Liki in Sritelkin Mukena

TULIK elos lungse in sritel. Tusruktu “ma inge tia orekma su wangin sripe,” buk se inge The Developing Child el aketeye. “Pa inge orekma su liyeyuk ku nunkeyuk nu sin tulik ke ma puspus su ku in kapkapek ka.” Ke sritel, tulik elos lotela in orekmakin nunak ku pulakin lalos, in kalem ke ma puspus su oasr ke an selos, a in asrouki mwo nu sin tulik puspus.

Mutamwauk ke yea akosr ku limekosr matwe, tulik elos mutamwauk in oru lumalos in etawi orekma lun met matu oana me sritel lalos. Oasr pal Jisus el sramsram nu sin tulik su sritel. Kutu selos lungse in sritelkin “akwuk lun payuk,” kutu tulik elos lungse in sritelkin “met mise”, a, ke tulik elos oru pal nukemwa, elos akukuin meyen kutu selos srunga in wi. (Mattu 11:16, 17) Kain in sritel inge ku in oru akwuk su yok sripe nu ke nunak lun tulik su kapkapek.

Tulik mutan ke pitse inge su oasr ke sra inge elos sritel in lumala orekma lun met luti ke Baibel a sie tulik lutlut. Elos tia oru sie lutlut ke Baibel na paye, tusruktu ke nunak in sang peng mwo ke Baibel in kalem nu ke nunak lalos. A me lutlut inge el sie ma yok sripe, Jisus el sapkin met tuma lutlut lal nukemwa in oru met tuma lutlut a luti metu in liaung ma nukemwa su el luti nu selos.​—Mattu 28:19, 20.

Papa a nine su oasr tulik natu a lungse in oru lumeyen orekma nu ke lutlut Baibel, sang me sramsram, ku orekma lun forfor loom nu ke loom ku in oru me insemwomwo nu selos. Paye, tulik elos etawi ma elos liye ku tuni sin met matu su raunelosla ke ma elos oru. Sritel ke Baibel nu sin tulik akkalemye la elos kapek “ke kain in lutlut a me kai lun Leum su el insemwomwo ka.”​—Efesus 6:4, Charles B. Williams.

Jeova el lungse tulik elos in wi ke alu paye. El fwak nu sel Moses in oreni “tulik srisrik” ke pal Masap el ridiyuk. (Duteronomi 31:12) Fwin tulik srisrik elos pulakin la elos wi pa, sritel lalos ku in akkalemye ma inge na paye. A tulik su sritelkin in el pa met kulansap lun God el eis step se meet ke inkanek in ekla sie selos.