‘Kom Enenu in Pre Ke Inkanek Inge’

YA KOM etu Pre lun Leum? Pa inge me srikasrak ke pre su Jisus el luti. Ke pal se el oru Me Sramsram lal ke Fwin Eol, Jisus el fwak: “Kom enenu in pre, oinge.” (Mattu 6:9) Ke sripen ma inge lutiyuk sin Jisus, paenang pangpang pal nukemwa Pre lun Leum, el eteyuk pa oana pre lun Papa Tumasr.​—Latin, Paternoster.

Million met fwin fwalu nu fon elos filiye ke nunak lalos Pre lun Leum a kalweni pal nukemwa, saap len nukemwa. Ke kutu yea somla, met puspus elos kalweni pre inge ke pusra lulap in loom lutlut a yen in toeni puspus. Efu ku Pre lun Leum arulanu aksaokyeyuk?

Ke akwuk ke catechism, Roman Catholic Church elos nunku mu Pre lun Leum pa “foundeson ke pre lun met Kristian.” Tusruktu, enenu in kalem la met puspus su kalweni ke pre inge elos tia etu na paye ke kalmeyen pre inge. “Fwin kom etu a orekmakin oiyen moul lun met Kristian saap kom ku in pisrpisr in kalweni pre lun Leum tia tui,” pa inge ma newspaper se inge Ottawa Citizen fwin an Canada el fwak, “tusruktu saap upa nu sum in fwak pa ke inkanek sepusrpusr a tu kom in kalem ka.”

Ya arulanu yok sripe in kalem pre lasr nu sin God? Efu ku Jisus el sapkin nu sesr ke Pre lun Leum? Mea kalmeyen ma inge nu sum? Lela kut in loang mwo nu ke kusensiyuk inge.