666 Tia Sie Puzzle Mukena

“A tu wangin met fwa ku in moli ku kukakanla, a el mukena su oasr  akul yurol, aok, en kosro soko inge ku pisen el. Pa inge lalmetmet: El su oasr etauk yurol, lela lan oek pisen kosro sogo inge, tu pisen met; a pisel Onfoko onngoul-onkosr.”​—Fwakyuk 13:17, 18.

KUTU konaon Baibel oru me lut yok a nunak yok lun metu ke kas palu ke akul sakuruk, ku e, lun “kosro lemnak”​—ke numbu 666. Ke television, Internet, pitse mokuikui, buk puspus, a magasin, me akul lun kosro soko inge sramsramkinyuk pal nukemwa.

Kutu sin met elos lalalfongi mu 666 pa akul lun metu in oana ma Baibel akkalemye ke antichrist. Kutu selos fwak pa mu ma inge me akul, oana tattoo ku sie microchip su oasr digital code ka in sang akkalemye sie met oana met kulansap lun kosro lemnak. Kutu sin met elos srakna lalalfongi mu 666 el akul se lun Catholic papacy. In sang aolla Roman numerals nu ke leta puspus ke mwal lun pope, Vicarius Filii Dei (Met ma aolyen Tulik Nutin God), a in sang pa kutu ma toeni nu ke numbu inge, elos motko mu numbu inge 666 kalme pa akwuk ke papacy. Kutu sin met elos fwak pa mu numbu inge lumeyukla nu ke Roman Emperor Diocletian ke kas Latin a ke kas Hibru nu ke e inge Nero Caesar.a

Kain in me aketeye inge nunkeyuk a sramsramkinyuk oana pihlenfong, nu ke ma paye, tia oana ma Baibel el fwak ke akulinye kosro lemnak, su kut ku in liye ke me lutlut tokoa. Baibel el akkalemye la met nu kemwa su eis akul lun kosro soko inge fwa eis mulat lun God ke pal se el fwa aksafyela akwuk koluk nukemwa inge. (Fwakyuk 14:9-11; 19:20) Ke ma inge, kalmen 666, el arlana yok kalmeye liki na in lumeyuk nu ke sie puzzle sakuruk. Oasr me insemwomwo yok, la Jeova God, el sie me srikasrak mwomwo lun lungse a sropon etauk lun kalem in ngun, su tia lela met kulansap lal in wanginla etauk lun ma saok inge.​—2 Timote 3:16; 1 Jon 1:5; 4:8.

[Footnote]