Kusensiyuk Su Tuku Sin Met Rid
Oiye fuka met Kristian nu kemwa elos enenu in akkalemye ke birthstone ku eot saok su kapsreni nu ke malem in isusla lalos?
In kutu an, birthstones el kapsreni nu ke malem in isusla lun sie met. Sie met Kristian el fwin lungse in orekmakin sie ring su oasr eot saok ka, ma inge sulela na lal. (Galetia 6:5) Ke pal se el oru kain in sulela inge, oasr ma yok puspis su elos enenu in tuni meet.
Encyclopaedia Britannica el aketeye la sie birthstone el sie “eot saok su kapsreni nu ke len in isusla lun sie met, a met puspis elos nunku la orekmakinyen ma inge sang good luck nu sin sie met ku mano fukoko.” Reference work inge el fwak: “Met inutnut su liye ma in kosrao elos nunku la kutu eot saok oasr ku lalos su tia tuku sin met.”
Yokna in pal meeta, met puspis elos lalalfongi la sie birthstone el sang good luck nu sin met su orekmakin ma inge. Ya met Kristian paye elos lalalfongi ma inge? Mo, meyen elos akilen la Jeova el selngawi met nu kemwa su som lukel a lalalfongi “god lun Good Luck.”—Isaia 65:11.
Ke lusen sie pal pangpang Middle Ages, met susfwe elos sulela sie eot saok ke kais sie malem ke yiu nu kemwa. Elos kaifwe nu sin met in orekmakin eot saok inge ke malem in isusla lalos, meyen elos nunku la ma inge ku in kurunginelos liki me sensen. Tusruktu tia fwal na paye ke Ma Simusla fwin sie met Kristian el fwasr tokin kas in kaifwe lun sie met susfwe ke pal a ma sikyuk, meyen Baibel el selngawi kain in met inge.—Duteronomi 18:9-12.
Tia fwal na paye nu sin met Kristian in nunku la oasr kalmen ring se ke sripen oasr sie birthstone ka. Met Lo lun Jeova elos tia akfulatye len in isusla ku birthday. Ma inge elos oru ke sripen kain in me akfulat inge sang akfulat yok alukela ma fwal nu sin met su orek birthday lal a record lun Baibel el akkalemye ke birthday su orekla sin met kol su tia kulansap nu sin God.—Genesis 40:20; Mattu 14:6-10.
Kutu met elos nunku la orekmakinyen ring su oasr sie birthstone ka sie me purakak nu sin met su orekmakin ma inge in ekla met mwo. Tusruktu, met Kristian paye elos tia lalalfongi ke ma se inge, meyen elos akilen la “met sasu” el ku in sikyuk mukena ye me purakak lun ngun mutal lun God a ke inkanek in orekmakin ma sap nu kemwa lun Baibel.—Efesus 4:22-24.
Sie ma yok pa nunuk lasr efu kut orekmakin ma inge. In oru sulela fwin fwal ku tia in orekmakin ring su oasr sie birthstone, sie met Kristian el ku in siyuk kusensiyuk inge nu sel sifwanu, ‘Ya Nga lungse in orekmakin ring inge meyen Nga arulanu katokin eot saok inge, fwinne el kapsreni nu ke malem in isusla luk? Ku Nga mokleyuk ke alialu su kutu met elos kapsreni nu ke eot saok inge?’
Sie met Kristian el enenu in tuni insiel tu lan ku in akilen na paye sripe efu el orekmakin eot saok inge. “Ke arulanu oaru kom liaung insiom,” pa inge Ma Simusla el fwak, “tu ma lun moul sikyuk ka me.” (Soakas 4:23) In oru sulela ke birthstone, kais sie met Kristian ku in eis me lane yok el fwin kaifweung in tuni sripe se lal a ke fwokin ma inge nu sel sifwanu a nu sin kutu met.—Rom 14:13.