Ke Pal Se Mwolela El Oanu Sie Me Akpayeye

ME SRAMSRAM lun fwalu arulanu nenela ke mwolela puspis su kunausyukla. Pal nu kemwa mutanfwal puspis elos kunausla mwolela puspis su elos signie in tia lain ku oru ma koluk nu ke kutu mutanfwal, ke sripe se inge elos kol met lalos nu ke meun upa puspis. Ke sie pal Napoleon el fwak: “Guferment puspis elos oru mukena ma elos mwolela fwin sapkinyuk nu selos in oru ou inge ke ku, ku fwin oasr me lane su elos ku in eis ka.”

A fuka mwolela puspis lun met se met se? Sie me asor yok na paye fwin sie met el tia oru ma el mwolela! Yokna kom fwin etu na paye met inge a kom lalalfongel. Paye, saap kutu met elos srunga ku wangin ku lalos in akpayeye ma elos mwolela.

Oasr ma tia oanu sie na paye inmaslon met a God kut fwin sramsram ke mwolela! Kut ku in lalalfongi na paye ke mwolela lun God. Kutena mwolela su Jeova God el oru e fwa akpayeye. Ke pal se el sramsram ke kas lun Jeova su akpayeye pal nu kemwa, Isaia 55:11 el fwak: “A fwa ou inge ke kas luk su fwala liki oalik. A fwa tia foloko nu yuruk a wangin sripe, a a fwa oru ma Nga lungse, a a fwa kapkapek in ma Nga supala nu ka.”

Ke ma inge, fuka nunuk lasr ke mwolela nu kemwa lun God su simusyukla in Baibel? Kut ku in lalalfongi na paye ke ma inge. Ke sie me pupulyuk, met sap Jon el simusla: “Liye! Loom sin God on yurin metu, a el fwa muta yurolos, a elos fwa met sral, a God el fwa muta yurolos, a el fwa God lalos. A el fwa ela sroninmutalos nu kemwa, a a fwa wangin pa mise, a elos fwa tia sifwil asor, ku tung, ku ngal. Tu ma meeta wanginla.” (Fwakyuk 21:3, 4) Kom ku in engunkin kain in me insemwomwo inge kom fwin orekma fwal nu ke kas lun Jisus: “A pa inge moul ma patpat, tu elos fwa ete kom God paye mukefwunnu, a Jisus Kraist su kom supalmu.”​—Jon 17:3.