‘Solomon El Tia Yunla Oanu Sie Selos’

ROS in imae oanu ma oasr ke sra se inge arulanu pengpeng ke inkanek puspis lun an southern Africa. Elos pangon ma inge cosmos a el tuku na paye ke American tropics. Kain in ros inge su arulanu kato akismakinye kut ke me lutlut su Jisus el akkalemye. Pus sin met su longol elos sikasrup, a elos arulanu fosrnga ke me enenu lalos in moul, mongo nelos a nuknuk.

“Fwin ke nuknuk,” Jisus el siyuk, “a efu komwos ku in nununkela? Nunku ke kiuf in imae, elos kapek fuka; elos tia orekma, a elos tia israp; a Nga fwak nu sumwos, tu Solomon in mwolanu nu kemwa lal tia yunla oanu sie selos.”​—Mattu 6:28, 29.

Oasr nunuk puspis ke kain in ros in imae su oasr ke nunuk lun Jisus. Tusruktu, Jisus el srikeye ros inge nu ke maa in imae ke pal se ma el fwak: “A God el fwin yunela maa in imae ou inge, su on misenge, a lutu sisila nu in fwunyu, ya el fwa tia oru ma yok liki nu sumwos, O komwos su srik lalalfongi lomwos?”​—Mattu 6:30.

Fwinne ros se inge pangpang cosmos tia tuku na paye fwin an Israel, tusruktu kut etu la ma inge sang me akpayeye ke me luti lun Jisus. Fwinne kom loes ku futoto ke ros se inge, kom ku in koneak la el arulanu kato a met su eis pitse a met sroal elos arulanu lungse. Paye, Jisus el tia sramsram alukela ma fwal ke pal se el fwak, “tu Solomon in mwolanu nu kemwa lal tia yunla oanu sie selos.”

Mea me lutlut su kut ku in koneak ke ma se inge? Elos nu kemwa su kulansap nu sin God elos ku in lalalfongi la el e fwa kasrelos na paye in eis me enenu lalos fwinne ke pal in ma upa. Jisus el fwak: “A komwos in suk togusrai lal [God], a ma inge nu kemwa [oanu me enenu ke mongo a nuknuk] fwa etukot pa nu sumwos.” (Luk 12:31) Aok, me insemwomwo na paye tuku ke orekma in suk meet Togusrai lun God. Tusruktu, ya kom etu mea Togusrai se inge lun God a mea el akola in oru nu sin met nu kemwa? Met Lo lun Jeova elos insemwomwo in kasre kom in koneak topuk nu ke kusensiyuk inge in Baibel.