Ya Oasr Saflaiyen Moul Sikasrup?
“ALIYE! Sroninmutalos su akkemkatuyeyuk, a wangin met akmwoye yurolos; a oasr ku yurin met su akkemkatuyelos, a wangin akmwoye yurolos,” pa inge ma Togusra lalmetmet Solomon lun an Israel meeta el fwak. (Ekklisiastis 4:1) Wangin alollo, wikin met puspis su akkemkatuyeyuk su oasr ke nunuk lal pa met sikasrup.
Tia ke sripen wangin mani mukena pa paenang sie met el sikasrup. Fwal nu ke sie data su World Bank el orala in June 2002, “elos orala estimate la in yiu 1998 oasr ke 1.2 billion met fwin fwalu nu fon su orekmakin srik liki $1 ke len nu kemwa in kurunganang me enenu lalos ke moul . . . a oasr ke 2.8 billion met elos orekmakin srik liki $2 ke len nu kemwa in kurunganganang moul lalos.” Elos koneak la fwinne pisen met ke figure luo inge supus liki estimate su elos orala meeta, tusruktu elos liye la, “ma inge srakna pukanten fwin srikeyuk nu ke pisen met keok ke sripen moul sikasrup.”
Ya oasr saflaiyen moul sikasrup? Jisus Kraist el fwak nu sin met tuma lutlut lal: “Tu met sikasrup elos muta yurumwos pal e nu kemwa.” (Jon 12:8) Ya kalmen ma inge pa, moul sikasrup a fwako koluk lal e fwa tafwela na ma patpat? Mo, Jisus el fwinne tia mwolela nu sin met tuma lutlut lal nu kemwa la elos e fwa kasrup ke ma puspis, tusruktu lela kut in tia fwak la wanginla fwinsrak lun met sikasrup.
Fwinne kaifweung a mwolela puspis lun met in aksafyela moul sikasrup tia akpayeye, tusruktu, Kas lun God, Baibel, el akkalemye na paye sesr la kitin pal lula wanginla met sikasrup. Aok, Jisus el sulkakin “mwosasu nu sin met sikasrup.” (Luk 4:18) Wikin mwosasu se inge pa mwolela la e fwa wanginla moul sikasrup. Ma inge e fwa tuku ke pal se Togusrai lun God el oakiye luma sumwosmwos fwin fwalu nu fon.
Sie kain in fwalu sakuruk pa inge! Togusra in kosrao Jisus Kraist “fwa pakomuta met sikasrup a met enenu, a el a fwa molela ngunin met enenu.” Paye, “el fwa molela ngunalos liki kemkatu a silolel.”—Sam 72:13, 14.
Togusrai lun God el aksumwosye ma upa nu kemwa su akkeokye metu, el oru pa in wanginla mas a mise. Kom ku in lalalfongi ke mwolela inge meyen ma inge tuku sin God. Efu ku kom tia tuni me akpayeye nu kemwa su akkalemye la kom ku in lalalfongi kas palu nu kemwa lun Baibel?
[Picture Credit Line on page 32]
FAO photo/M. Marzot