Sie Len Su Kut Tia Enenu in Mulkunla

PA inge sie len su ekulla inkanek in moul lun metu tu elos in eis me insemwomwo ma patpat. Wangin kutena len ke me sramsram lun fwalu su saok liki len se inge meyen ma sikyuk ke len inge arulanu yok sripe ke pal fwasru lun metu. Pa inge len ke pal se Jisus el aksafyela orekma nu kemwa lal fwin fwalu. Ke pal se el sripsripyuk fwin soko sak, el oru momong safla lal a tung: “Akpayeyuk tari!” (Jon 19:30, New World Translation) Mea sripen tuku lun Jisus in pal meeta?

“Mwen nutin met el tia tuku” Baibel el fwak, “tu met in kulansap nu sel, a tu lan kulansap nu selos, a sang moul lal in moli met puspis.” (Mattu 20:28) Jisus el sang ngunal, ku moul lal, in molela met ke ma koluk a mise. Aok, “God el lungsel fwalu ou inge, tu el ase Mwen siefwunnu isusla nutul, tu el su lalalfongel fwa tia tula, a el fwa eis moul ma patpat.” (Jon 3:16) Aok, me kise lun Kraist sie ma saok na paye su wangin ma oanu!

Len in mise lun Jisus el sie len su kut tia enenu in mulkunla ke siepa sripe. Ke len inge, Mwen nutin God el luti met tuma lutlut lal ke me lutlut saok puspis su ku in kasrelos in muta na oaru. Sramsram safla lal meet liki el mise arulanu akkeyeyuk na paye met tuma lutlut lal! Mea el luti nu selos? Fuka kut ku in eis ma lane ke ma Jisus el luti nu selos? Kusensiyuk puspis inge e fwa sramsramkinyuk ke me lutlut toko.