Ya Kom Lalalfongi ke Sie God Su Paye?
Oasr sie met kol lun American Museum of Natural History el oru fwafwasyesr lal in som lutlut ke an su on in an Arctic su Robert E. Peary sie met su lutlut ke oiyen an el akkalemye in report lal ke yiu itkosr kutu somla, in 1906.
AN Cape Colgate su on ke kapun ipin an se ke an northwestern lun an North America, Peary el liye mwolanuiye oanu sie an fulat fwasrfwasr sakuruk in liyeyuk on in sie an loeslanu. Ou inge el sang enen an se inge Crocker Land in akismakinye sie sin u su kasrel ke mani in akfwasrye orekma lal. Fuka yokiyen me lut nu sin siepa u su srike pa in folokla oru me lutlut lalos ke an inge in liye ke elos ngetla ke elos srakna loes liye fwin eol puspis, infwalfwal puspis, a ke toktok fulat puspis lun ice! Tusruktu, tia pat tok elos koneak la ma nu kemwa elos ngetla liye a tia paye ma na sikyuk ke aten mokuikui lun an Arctic. Ma nu kemwa su sikyuk ke oiyen mokuikui lun an lung in an se inge kiapella Peary, paenang ke kalem tari ma nu kemwa elos koneak la pal yok su sisila ka, ku lalos su sisila ka, a mani yok su sisila ka wangin sripe nu fon meyen elos suk ma su tia paye.
Misenge, met puspis elos kisekunulosla a sang pal yok lalos nu sin god kikiap puspis su elos arulanu lalalfongi mu pa inge god paye. In len lun met tuma lutlut lun Jisus, oasr kain in god puspis su oanu Hermes a Zeus elos alu nu se. (Orekma 14:11, 12) Misenge oasr kain in god puspis lun Shinto, Hindu, a kutupa million puspis sin god su met puspis fwalu elos alu nu se. Ma inge akpayeye ma Baibel el akkalemye oanu “god puspis a leum puspis.’ ” (1 Korint 8:5, 6) Ya god puspis inge nu kemwa ku in paye?
God Puspis Su “Tia Ku in Molela”
Loang nu ke me pupulyuk, ke orekmakinyen me srulela a me akul ke alu. Nu selos su filiye lalalfongi ku oru pre nu selos, oru me srulela inge in oanu in oasr kutena kain in ku usrnguk lalos in sang kasrelos ku in loangelosla liki kutena me forsnga. Tusruktu, ya paye elos ku in molela? Tuni akmwoye ma me srulela inge akkalemye, met sim lun sam el on: “Me srulela lun mutanfwal silfer a gold, orekma lun poun met. Oasr oalulos, a elos tia kaskas, oasr mutalos, a elos tia liye; oasr sralos, a elos tia long, a wangin momong in oalulos.” Aok, elos oanu god puspis su “koflanu in molela met.”—Sam 135:15-17; Isaia 45:20.
In akpayeye, ou inge elos nu kemwa su orala me srulela elos oru ke paolos mu oasr moul a ku lalos. Paenang met nu kemwa su alu nu ke me srulela elos filiye na paye lalalfongi lalos nu ka. “Elos wis fwinpise,” met palu Isaia el fwak, elos wisla, a tulokinya yen se, a el tu.” El sifwil tafwela: “A fwa tia mokuikui liki yen se. Aok, sie ku in wowoyuk nu ka, tusruk el koflanu topuk; ku molela liki keok lal.” (Isaia 46:7) Lela in eteyuk la wangin na paye moul lun me srulela fwinne yok pengpeng wi lalalfongi nu ka. Kain in me srulela inge oanu “god puspis su wangin sripelos.”—Hebakkuk 2:18.
Orekmakinyen me srulela, alialu, ku engunkin me akinsemwoye met, met pengpeng ke sritel, met su eis mwal yok ke kunokon lun politic, a met su oasr mwal fulat ke alu pa yok sukye misenge. In wekunang ma inge, pa mani su yok nunkeye nu sin kutu met in oanu god se. Nu ke kais sie luma su srumunyuk tari inge e oupanu orekma lun alu nu ke me srulela su metu pangon mu tia koluk. Elos koflanu a tia pa ku in oakiye kutena kain fwinsrak paye nu selos su lalalfongelos. Nu ke sie me pupulyuk, me kasrup su saap paye e ku in sang akmwoyela kutu elya su sikyuk, tusruktu, lela in kalem la nunkela lun me kasrup lun fwalu el sie me kutasrik. (Mark 4:19) Oasr sie mokul su oru sukok lal el siyuk: “Efu ku in nunkeyuk kut ke ma su met puspis elos lungse, a lalalfongi mu pa inge ma se ma ku in akmwoyela kain in ma upa nu kemwa, su ke konoiyukyuk in orekmakinyuk oasr kain in me akkoluk wikin kas in akfosrnga puspis sikyuk ka?” Aok, nunkela ke me kasrup el ku in paenang sie met in kisekunla ma saok puspis lal, mano fukoko lal, moul misla lal nu sin sou lal, kamwuk futoto lal, ku ke oiyen moul saok lal nu sin Met Orekutla. Lalalfongi lal nu ke ma inge su oanu god se lal ekla nu ke ma wangin sripe oanu ‘me srulela su tia paye’!—Jona 2:8.
“Wangin Kutena Topuk
Inkanek na lalfon pa in ekulla ma sumwos nu ke ma sesumwos. Met su alu nu sin god Beal in len lal Elaija met palu elos lutiyuk yok ke inkanek koluk. Elos lalalfongi mu oasr ku lal Beal in oru e in tuku inkosrao me a isukak me kise lalos ke kosro. Ou inge, “elos pangon el Beal lututeng me nu ke infwulwen len, a fwak: ‘O Beal, poronge kut!’ ” Ya Beal el oas sroal in ku in long a oasr oalul in ku in sramsram? Oiye se inge sifwil tutafla: “Wangin pusra a kutena su topuk.” Paye la, “wangin kutena su loang.” (1 Togusra 18:26, 29) Beal el tia ma paye se, el tia moul, ku oru kutena ma.
Fuka yok sripeye in eis etauk paye a in alu nu sin sie God paye! Tusruktu, su el an? A fuka in lalalfongel ku in oru me insemwomwo nu sesr?
[Pictures on page 3]
Egingwah sie met asrouki lal Peary el tuni oiyen akmwuk lun an in ku in konoeyuk an
Robert E. Peary
[Credit Lines]
Egingwah: El oasr ke buk inge The North Pole: Ke Oiyen Orekma in Sukok an su orek in yiu 1909 sin Auspices of the Peary Arctic Club, 1910; Robert E. Peary: NOAA
[Pictures on page 4]
Met puspis elos kiapeyukla ke orekma in alialu lun fwal se inge