Henry viii A Baibel

KE BUK se nutul inge History of the English-Speaking Peoples (Volume 2), Winston Churchill el simusla: “Ke oiyen lalalfongi ke alu, Reformation el wise ekla lulap. Ke pal inge met puspis elos lalalfongi Baibel oanu sropon kai a kolyuk mwomwo nu ke ma puspis. Fwil matu somla elos nunku mu Ma Simusla mutal el sie me sensen nu sin met nukin a met tol mukena pa enenu in ridi ma inge.”

Me sramsram inge tafwela: “Baibel nu fon su simusyukla, a langasyukla nu ke kas English sel Tyndal a Coverdale, orekla ke pal se meet ke saflaiyen pulanpal lun autumn in yiu 1535, a editions puspis sikyuk ke pal inge. Guferment el kaifwe nu sin met kol lun alu in kaifwe nu sin met lalos in rid Baibel.” Tokin century puspis wangin eteyen Baibel, an na England pa etu Baibel, aok, kulo nu ke guferment lal Henry VIII a tia ke alu.a

“In akyokye mwekin lun met nu kemwa su srukye orekma a nunuk sesumwos ke Baibel in pal meeta, Guferment el oakiye in an Paris sie printing lulap ke Baibel ke kas English, mwo liki edition puspis su somla, a ke September 1538 el sapkin nu ke kais sie parish ku kais sie ke un alu su muta ke an in moli Baibel puspis ke kas English, a filiye ma inge ke kais sie loom alu, an se ma kais sie met ke alu elos ku in orekmakin a rid ma inge. Baibel onkosr filiyuki ke loom alu lulap lun St Paul, ke Siti lun London, a pus sin met elos tuku nu ke loom alu lulap inge in rid ma inge ke len nu kemwa, yokna, akkalemyeyuk nu sesr, ke pal se elos koneak sie met su mwo pusra a fwal su ku in rid ke pusra lulap.”

Sie me asor, nu in kutu an, ke met puspis elos tia eis pal mwo lalos in rid Baibel len nu kemwa. Ma inge sie me fosrnga yok, meyen Baibel mukena pa “etuku ke ngun lun God a oasr sripe in luti, in kai, in aksumwosye, a in aketeye ma sumwosmwos nu sin met.”—2 Timote 3:16.

[Footnote]

[Picture Credit Line on page 32]

Henry VIII: Sroal ke Royal Gallery lun Kensington, tuku ke buk inge The History of Protestantism (Vol. I)