Lutlut Ke Baibel Ya Oasr Sripe Ke Moul Lom?

“TIA enenu in rid fwin wangin sie met tol.” Kas in sensen inge ku in liyeyuk a simusyukla ke mutamweyen kutu Baibel su ma lun Catholic. “In oanu sie Catholic kut tia na wi muta rid Baibel,” pa inge ma Kay Murdy lun Catholic Bible Institute in Los Angeles el fwak, “tusruktu kain in oiye se inge mutamwauk in ekla.” Ke pal se Catholic el mutamwauk in etu la Ma Simusla Mutal ku in orekma ke moul lalos, el fwak, “elos mutamwauk in akyokye sie kain in kena lulap in lutlut ke Baibel.”

Ke ekla se inge, magasin inge U.S. Catholic el srukak sie sramsram lun sie religious education coordinator su fwak la Catholic nu kemwa su wi ke Bible study classes elos pulakin la “oasr ma etukla lukelos oanu sie Catholic, pa inge me kasrup puspis su oasr in Baibel. Elos lungse in eis kutu me kasrup inge su elos pulakin mu etukla lukelos.”

Ke kutena luma, kain in “me kasrup” fuka su oasr ke Baibel tulik lutlut elos ku in eis? Nunku ke ma inge: Ya kom lungse in etu la fuka kom ku in muteng ke kain in ma upa nu kemwa ke moul lasr ke len nu kemwa? Fuka kom ku in srukye na misla in sou? Efu arulanu upala oiyen ma koluk a silolel in pal inge? Mea sropon orekma silolel inmaslon met fwusr ke pal inge? Top mwomwo su kom ku in lalalfongi ke kusensiyuk inge nu kemwa a kutu kusensiyuk upa ku in konoiyukyuk ke Kas lun God, Baibel, a ma inge nu kemwa “me kasrup” na paye, tia nu sin Catholic ku Protestant mukena, a fwal pa nu sin met Buddhists, Hindus, Muslims, Shintoists, a atheists a agnostics. Oanu met sim lun Sam el fwak, ‘Kas lun God lam nu ke niel, a kalem nu ke inkanek lal.’ Ma inge ku pa in me enenu nu sum.​—Sam 119:105.