Ya Alu El Ku In Wise Misla Fwin Fwalu?
MUTAMWAUK ke August 28 nu ke August 31, 2000, pus liki met tutafpo 500 su tuku ke mutanfwal 73 elos tukeni nu sie fwin an New York City. Elos tukeni nu sie ke United Nations in oru “Meeting Lulap ke Misla ke Millennium lun Alu nu Kemwa a Met Kol nu Kemwa in Ngun.” Met kol puspis inge—su pus selos oasr tefuro, nukomang nuknuk loeloes su oasr kain in tun puspis, feather headdresses, ku nuknuk loeloes sralsral—aoliyen kain in lalalfongi puspis. Alu inge pa Baha’i, Buddhism, Hinduism, Islam, Jainism, Judaism, Shinto, Sikhism, Taoism, Zoroastrianism, a alu puspis lun Kristendom ku alu nu kemwa su ekin Kristian.
Met inge nu kemwa elos toeni ke United Nations ke lusen len luo ke conference lalos ke len akosr. Tusruktu, toeni lalos inge tia orekla ku eis kasru ke mani sin United Nations, a me kasru nu kemwa tuku ke kain in foundation ku u puspis. Fwinne ou inge, UN a met kol lun alu elos sramsram ke ma saok su tuku ke akesrui in oru orekma in aksafyela moul sikasrup, srisri ke sripen tun, ma upa ke an, meun, a kofwen me meun su ku in kunausla ma puspis.
Met tutafpo nu kemwa elos signie sie document pepu su oasr sifwe “Kunokon ke Misla Fwin Fwalu nu Fon.” Fwinne elos akilen la kutupal orekma silolel a meun orekla in en alu,” tusruktu document inge akkalemye la met nu kemwa su signie ma inge akola in “akesrui ke United Nations . . . ke kaifweung lal in suk misla.” Tusruktu, wangin aketeye ku akmwuk elos orala la fuka in oru ma inge.
In len se akluo, Bawa Jain, secretary-general lun toeni inge, el aksafyela kas in mutamwauk lal ke el aketeye la ke yiu ekasr somla, el liye sie sroal ku pitse ke United Nations. Pitse se inge akkalemye sie mokul su loes liki loom lun United Nations Secretariat. El tungtung ke loom oanu srungal se. Ke pitse se inge oasr sie ma simusla: “Fwisrak lun Misla.” Mr. Jain el fwak: “[Pitse se inge] arulanu purakak na paye insiuk ke pal se Nga liye ma inge. Nga siyuk met puspis in kalmekin ma inge. Nga nunku mu Nga eis tari me top ke len inge. Toeni lomwos nu kemwa ke pal inge, komwos nu kemwa su met kol lun alu a ke ma lun ngun fwin fwalu, komwos akkalemye nu sik la pa inge fwisrak lun misla su tungtung ke srungal lun United Nations.”
Baibel el akkalemye siena. El akkalemye la Fwisrak lun Misla pa Jisus Kraist. El akola in wise misla fwin fwalu nu fon, tia ke kaifweung lun met kol lun politic ku alu lun fwalu se inge, a ke inkanek lun Togusrai lun God. Ke inkanek lun Togusrai se inge—su guferment lun God in kosrao—el fwa kutangla in oru met nu kemwa fwin fwalu su akos in srukye inse siefwunnu a orala ma lungse lun God in kosrao e fwa orek fwin fwalu.—Isaia 9:6; Mattu 6:9, 10.