Misla nu ke Millennium Sasu?

YIA in Kurunganang Misla oakiyuki fwin an Paris a New York City ke September 14, 1999. General Assembly of the United Nations el oakiye ma inge ke yiu 2000. Federico Mayor, director general meet lun UNESCO, el siyuk ke moniyuk in “orala sie u in akkeye misla a wangin silolel.”

OASR soakas lun UNESCO su akkalemye la “ke sripen meun nu kemwa mutamwauk ke nunuk lun met, paenang ke nunuk lun met mukena ku in akkeye misla.” In fwal nu ke ma inge, u se inge el nunku in akkeye misla ke inkanek lun “lutlut, sramsram, a akesrui.” Mr. Mayor el fwak la tia fwal in “muta mukena in misla, in ekla mukena met akmisye, a kom enenu in met orekma ke misla.”

Sie ma tafongla meyen, yiu 2000 el tia yiu lun misla. Me sramsram in len lasr​—wekunang ma sikyuk nu kemwa in yiu 2000—​akkalemye la wangin ku lun met in kutongye meun a orekma silolel fwinne elos kaifweung in suk misla.

Tusruktu, kut enenu in loang mwo meyen misla el kapsreni na paye ke lutlut. Yiu 2,700 somla met palu Isaia el palye: “A tulik nutum nu kemwa fwa lutiyuk sin Jeova, a misla lun tulik nutum fwa yok.” (Isaia 54:13) Met palu senpanu inge el liye meet ma sikyuk ke pal fwasru ke sie pal la mutanfwal nu kemwa fwa som nu ke alu nasnas lun Jeova God in lutlut ke inkanek lal. Mea fwokin ma inge? “Elos fwa tukye kutlas nutulos nu ke plau, a mwusra nutulos nu ke me pakpuk lesak. Mutanfwal fwa tia srukak kutlas lain mutanfwal, a elos fwa tia sifwil lutlut meun.” (Isaia 2:2-4) Fwal nu ke kas palu inge, Met Lo lun Jeova elos kafofo ke sie orekma in luti fwin fwalu nu fon su sang kasru tari nu sin million puspis in sisla srunga ke sripen siena tun, siena mutanfwal lun kutu met, pa inge ma oru meun fwin fwalu

Ke saflaiye e fwa wanginla meun ye koko lun Togusrai lun God, meyen el wise misla ma patpat a wangin sangeng nu fwin fwalu. (Sam 72:7; Daniel 2:44) Ke ma inge kas lun met sim lun Sam fwa akpayeye: “Fwasru, liye orekma lun Jeova, kunausten su el orala fwin fwalu. El aksafyela meun nu ke saflaiyen fwalu.”​—Sam 46:8, 9.