Fwalu Sie An In Akpa?

EL mongi na paye! El pass. Sie tulik lutlut su wi ke sie exam upa su orek ke lusen wik luo el eis report mwo su arulanu akinsemwomwoyel. Ingenu el ku in sroang nu ke orekma se su el lungse omeet me.

Met puspis fwin fwalu elos nunku la moul fwin fwalu oanu oiye inge. Elos nunku la moul fwin fwalu el oanu sie test su kom enenu meet in eis. Elos nu kemwa su “pass” elos ku in som nu ke sie an su mwo oanu sie kain in Pal Fwasru Mwo. Paye, sie me asor, fwin moul lasr ke pal inge​—sie kain in moul lun met puspis su wangin nien sun—​pa kain in moul mwo emeet su kut ku in lalalfongi. El fwinne fukoko in mano a kasrup ke lusen pal loes in moul lal, met se inge in Baibel su pangpang Job el fwak: “Met, su isusla sin mutan, len pu lal, a tingtinginu ke asor.”​—Job 14:1.

In akkalemye ma met puspis elos nunku, New Catholic Encyclopedia el fwak: “Mwolanu in kosrao pa nien sun se su God el lungse metu in eis. . . . Insemwomwo lun met ku in liyeyuk ke engun ma patpat in kosrao.” Sie survey su tufwanu orek lun alu se inge Church of Christ fwin an United States akkalemye la percent 87 sin met su elos kusensiyuk nu se lalalfongi la elos e som nu in kosrao tokin elos mise.

Met puspis su tia Kristian lalalfongi pa la elos fwa som liki fwalu a muta ke sie an mwo tokin elos mise. Ke sie me pupulyuk Muslim lalalfongi la elos e som nu ke sie paredais in kosrao. Met nu kemwa su wi ke u se inge Pure Land su tuku ke alu lun Buddhism fwin an China a Japan elos lalalfongi la elos fwin tafwela in fwak kas se inge “Amitabha,” pa inge enen Buddha lun Kalem su Wangin Safla, elos e fwa sifwil isusla ke Pure Land, ku Paredais Fwin An Roto, sie an su elos ku in moulkin moul in insemwomwo yok.

Sie me purakak nunuk, meyen Baibel, sie buk mutal su lengla ke kas pukanten a pus emeet ma kitakutla nu fwin fwalu, el tianu akkalemye fwalu oanu sie an su kut enenu in som liki, ku sie an su kom e muta we ke lusen kitin pal na. Ke sie me pupulyuk, Baibel el aketeye: “Met sumwosmwos elos fwa usru fwalu a muta we ma patpat.” (Sam 37:29) Kut ku in ouyepa konaok in Baibel kas pengpeng lal Jisus: “Insemwomwo elos su fwokpap: meyen elos fwa usrui fwalu.”​—Mattu 5:5, King James Version.

Nunuk yok lun met puspis ke muta lasr fwin fwalu ke lusen kitin pal na akkalemye la mise pa srungal nu ke sie moul insemwomwo ma patpat in kosrao. Fwin ou inge, na mise sie me insemwomwo nu sin met. Tusruktu, ya met puspis elos nunku ke mise ou inge, ku elos srike in akloesye moul lalos? Experience puspis akkalemye la fwin metu insemwomwo ke ku lun manolos a wangin me aksensenyelos, el tia lungse in mise.

Tusruktu, ke sripen moul fwin fwalu nenela ke ma koluk a me keok, met puspis elos srakna nunku ke kosrao oanu an siefwunnu su elos ku in konaok misla paye a insemwomwo. Ya paye kosrao pa an in misla ma patpat, wangin ma koluk a srisri? A ya moul ke Pal Fwasru ku in motkeyuk mukena nu in kosrao? Saap kom e lut ke topuk lun Baibel. Nunuk munas tafwela in rid.