Lungse Su Fukoko Liki Lungse lun Nine
KE STATION puspis lun train su kasrusr ten pangpang subway, ke loom fwasr puspis lun met, ku ke inkanek puspis su arulanu kafofo ke sitosa a met, nine puspis elos likiye awowo nutulos su tufwanu isusla. Kutu pal, met orekma ke kutkut elos ku in konaok ke bucket in kutkut awowo srisrik puspis su liksreni na in tung meyen elos suk nine kielos. Fwal nu ke O Estado de S. Paulo, “akmwuk in likiye awowo puspis ke inkanek arulanu kapkapek.” Paye, saap nine fwusr puspis su oru ou inge elos e fwa auliyuk tok. Fwinne ou inge elos srakna oru ma elos lungse in oru, fwinne ma inge ku in kol nu ke mise lun awowo nutulos.
Saap kom nunku, ‘Fuka sie nine el ku in nunku in likiye awowo nutul ke sie an su el tia etu mea e fwa sikyuk sel?’ Baibel el orekmakin kain in luma koluk inge oanu me pupulyuk in akkalemye la tia ou inge pulakin lun Met su Orekutla nu selos nu kemwa su ma lal: “Ya sie mutan el ku in mulkunla tulik titi nutul, tu el fwa tia pakomuta mwen nutin insiel? Aok elos ku in mulkunla, tusruktu Nga fwa tia mulkinkomla.”—Isaia 49:15.
Paye, yok liki kutena nine fwin fwalu, God el lungse kut na paye a el nunku yok ke ma enenu lasr. Fwinne kom tulik srisrik ku met matu, ke kutena ma upa kom sun, kom tia mukena muta. Met Su Orekomla el lungse in kasru kom a el nunku ke pal fwasru mwo lom. Kas lun met on, “ke papa tumuk a nine kiuk elos fwasr liki yu, na Jeova el e fwa srukyuyuk.”—Sam 27:10.
Fwin fwalu nu fon, magasin inge Watchtower orekla a kitakutla in sang etauk ke “God paye mukenfwunnu,” Jeova, a ke Mwen nutul, Jisus Kraist, su ma inge ku in kalmekin moul ma patpat nu selos nu kemwa su akkalemye insemwomwo.—Jon 17:3.